امر معروف و نهی منکر وزیرلیگی، خاتین قیزلر حجابی خصوصیده افغانستان سابق جمهور باشلیغی حامد کرزی نینگ سی‌ان‌ان آژانسی بیلن اوتکزگن بیاناتی گه مناسبت بیلدیریب، جناب کرزی نینگ سوزلری قابل تبصره ایمس دیگن.
مذکور وزیرلیک توییتری ده یازیشیچه: «کرزی اوتگن ۲۰ ییل ده، یاولر نینگ خورسندلیگی اوچون، افغان سینگیللریمیز گه هر قنده‌ی آزادلیکنی ایستر ایدی و اونگه شرایط یره‌تدی، بیراق کرزی باشقه‌لر گه ایسته‌گنی کبی تورموش اورتاقی حکومتی یکونیگچه هیچ بیر رسانه گه کوریلمه‌دی.»
بیزلرنینگ فیسبوک صحیفه‌میزگه باش اورینگ!
امر معروف وزیرلیگی نینگ کوپه‌یتیریشیچه، «حجاب الهی بیر حکم دیر و مقصدی مسلمان سینگیللریمیز نینگ عزت_آبروسینی سقلش دیر و اسلامی امارت نینگ مقصدی، سینگیللریمیز نینگ عزت_آبروسینی سقلش دیر.»
افغانستان سابق جمهور باشلیغی حامد کرزی، اسلامی امارت تامانیدن عیال نطاق‌لری گه یره‌تیلگن چیکلاو گه عکس‌العمل کورسه‌تیب ایتیشیچه، اولر برنامه جریانیده یوزلرینی یاپیش دستورینی رعایت ایتمسلیکلری کیره‌ک.
جناب کرزی سی‌ان‌ان خبری آژانسی بیلن اوتکزگن صحبتیده ایتیشیچه، یوزنی یاپیش حجاب ایمس و شونینگدیک افغانستان نینگ فرهنگی هم ایمس، بلکه باشقه مملکت‌لر نینگ فرهنگی افغانستان گه کیلتیریلگن.
بیزلرنینگ توییترده هم تعقیب قیلینگ!
افغانستان سابق جمهور باشلیغی نینگ کوپه‌یتیریشیچه، افغانستان اسلامی بیر مملکت دیر و خاتین قیزلر هردایم حجاب‌نی رعایت قیلگنلر. او اسلامی امارت‌دن، اوشبو قرارلرینی قیته کوریب چیقیش‌لرینی طلب قیلگن.
