بیرقطار مملکت‌لر افغانستان‌ده عصیانچی گروه‌لر نینگ تهدیدلریدن خواطر بیلدیرماقده اېکن، بیراق اسلام امیرلیگی رسمی‌لری مملکت ده داعش گروهی یوق اېتیلیشیدن ایشانچ بیرگنلر.
اسلام امیرلیگی باش وزیری نینگ سیاسی اۉرین باسری محمدعبدالکبیر، ننگرهار بیرقطار یشاوچیلری و قوم بویوک‌لری بیلن اوچره‌شووده، افغانستان‌ده داعش گروهی اسلام امیرلیگی کوچلری تامانیدن یوق اېتیلگنینی ایتگن.
ارگ اسلام امیرلیگی باش وزیری نینگ سیاسی اۉرین باسری دن نقل قیلیب یازیشیچه: «ننگرهار نینگ شینوار اهالیسی باشقه یشاوچیلر کبی داعش گروهی قربانی اېدیلر» بیراق خورسندلیک بیلن مذکور گروه اسلام امیرلیگی کوچلری تامانیدن یوق اېتیلگن و ننگرهار خلقی اونینگ شری دن قوتیلگن.»
بیزلرنینگ فیسبوک صحیفه‌میزگه باش اورینگ!
عین‌حالده، میلادی اوشبو ییل ۲۷-فبروری، روسیه مدافعه وزیری سرگی شویگو، افغانستان‌ده داعش فعالیتینی منطقه اوچون بویوک تهدید دیب و افغانستان‌ده مذکور گروه نینگ اعضالری ۱۵ فایز کوپه‌یگنینی ادعا قیلگن اېدی.
بیراق بو خواطرلر دوام اېتماقده اېکن، اسلام امیرلیگی سۉزلاوچیسی ذبیح‌الله مجاهد سلام‌وطندار بیلن اۉتکزگن صحبتیده، افغانستان‌ده داعش حضوری بیر یا که ایکّی فایز کمه‌یب و بو گروه نینگ عسکر آلیش توانی یوق‌لیگینی ایتگندی.
شو بیلن بیرگه، ایش بیلرمان‌لر داعش تهدیدلری گه قرشی کوره‌ش ده اسلام امیرلیگی نینگ جدی اېکن‌لیگی اوستیگه تاکید ایته‌دیلر.
سیاسی و حربی ایش بیلرمان یوسف امین‌زازی نینگ سلام‌وطندار گه ایتیشیچه: «بیز داعش نی افغانستان و منطقه اوچون بویوک تهدید بیله‌میز، اولر گه قرشی عملیات اۉتکزیلگن‌لیگی ممکن بیراق افغانستان‌ده داعش بوتونلی یوق ایتیلیشی گه موافق اېمس من.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، ایش بیلرمان‌لر، منطقه اېنیقسه افغانستان‌ده عصیانچی گروه‌لر مسئله‌سی گه دایر مملکت‌لر نینگ فکر-ملاحظه‌لریدن تنقید اېته‌دیلر.
اولر نینگ ایشانچی گه کوره، مملکت‌لر داعش کبی عصیانچی گروه‌لر نینگ تهدیدلری و فعالیت‌لری‌دن خواطر بیلدیریش بیلن، سیاسی و امنیتی منفعت‌لری اوچون بو گروه‌لردن فایده‌لنیش آرتیده دیر.
حربی و امنیتی مسئله‌لر ایش بیلرمانی طاهر یرغل نینگ ایتیشیچه: «داعش کبی گروه‌لر چیت‌ایل مملکت‌لر نینگ ریجه‌لری دیر، حاضرگی کونده غرب و منطقه استخبارات‌لری تامانیدن داعش خصوصیده جدی ریکلام‌لر یولگه قوییلگن.»
عین‌حالده، سۉنگی کون‌لرده افغانستان داعش نینگ جدی هجوملری گواهی بولمه‌گن؛ بیراق بوندن اول انده-سنده یوز بیریب و مملکت یشاوچیلریدن بیرقطاری نینگ اۉلیمی گه سبب بولر اېدی.
