افغانستان نسایی ولادی داکترلر انجمنی مسئوللری نینگ ایتیشلریچه، اوتمیش ییل گه نسبتن آنه‌لر نینگ اولیم میزانی آشگن. اولر آنه‌لر نینگ اولیم میزانی آشیشینی خواطرلی دیب قشاق‌لیک، صحی خذمت‌لر گه قول تاپه آلمسلیک و داکترلر آزلیگینی آنه‌لر نینگ اولیم میزانی کوپه‌یش عاملی بیله‌دیلر.
افغانستان نسایی ولادی داکترلر انجمنی باشلیغی نجم‌السماء شفاجو، بوگون (دوشنبه، ۲ جوزا)، کابل ده داکترلر ظرفیتینی ارتقا بیریش سمپوزیمیده ایتیشیچه، آنه‌لر نینگ اولیم میزانی اولر آلدیده ثبت بولمسه‌ده، بیراق مذکور نهاد نینگ معلوماتی اساسیده افغانستان بویلب آنه‌لر نینگ اولیم میزانی کوتیلمه‌گن درجه ده ییتگن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «اوشبو اداره نینگ معلوماتی اساسیده، افغانستان بویلب آنه‌لر نینگ اولیم میزانی هر ۱۰۰ مینگ ولادت ده ۶۶۱ فوتیدن، ۶۳۸ فوتی گه کمه‌یگن. بیراق یینه‌هم بو رقم آشگن که یونیسف، آسیا و دنیا نی خواطری گه سبب بولگن.»
آنه‌لر نینگ اولیمینی آلدینی آلیش اوچون ساغلیق‌نی سقلش وزیرلیگی نینگ فکر_ملاحظه‌سینی اورگه‌نیشنی ایسته‌دیک، بیراق مذکور وزیرلیک مسئوللری قونغراق لریمیز گه جواب قه‌یترمه‌دیلر.
افغانستان نسایی ولادی داکترلر انجمنی، اوشبو مملکتده آنه‌لر نینگ اولیم میزانینی کمه‌یتیریش اوچون ایکی کون‌لیک سمپوزیم یولگه قوییب و عیاللر گه صحی خذمت‌لر اساسی روشده ارایه ایتیلیشی مقصدیده، نسایی ولادی داکترلری نینگ ظرفیتینی ارتقا بیریش اوچون تلاش قیلماقده‌لر.
بیزلرنینگ توییترده هم تعقیب قیلینگ!
مذکور سمپوزیم ده اشتراک ایتگن‌لر، داکترلر توانالیگینی آشیریش مقصدیده بو گَل برنامه‌لر اوتکزیلیشینی اونملی بیله‌دیلر.
صحی خذمت‌لر اساسی روشده ارایه بولمسلیگی باعث، آنه‌لر نینگ اولیم میزانی آشیشیدن عین‌حالده خواطر بیلدیریلماقده که، ساغلیق‌نی سقلش وزیرلیگی نینگ معلوماتی اساسیده، مذکور وزیرلیک ده رویخط گه آلینگن ۲۸ مینگ قابله بیکارچیلیک دن عذاب چیکه‌دیلر.