کابل ده نسایی-ولادی شفاکارلریگه کوره، قیزلرنینگ بلوغ پیتی و تنیده مهم هورمونی اوزگریشلر یوز بیرگنی اینیقسه حاملهدارلیک اوچون بچهداننینگ تیارلنیشی و حیض کوریش دورهسی تنظیم بولیشیده اونملی اورینگه ایگه بولگن پروجسترون هورمونی درجهسی آشیشی، بعضی حالتلرده بچهدان توزیلمهلرینینگ طبیعی بولمهگن شکلده اوسیشیگه سبب بولیشی ممکن که اونگه بچهدان فیبرومی «بچهدان توموری» دییلهدی.
اولرنینگ ایتیشلریچه، فیبروملر خوفسیز و سرطانی بولمهگن شیشلر دیر، لیکن بعضا آغریق، جدی قان کیتیش و حاملهدارلیکده نظمسیزلیک کبی قیینچیلیکلرگه سبب بوله آلهدی.
نسایی-ولادی شفاکارلریدن سمیراشهیر رحیمینینگ ایتیشیچه، فیبروم کسللیگی عیاللر آرهسیده خوفلی کسللیکلردن بولیب، یامان عاقبتلرگه سبب بولیشی ممکن. «کتهراق بولگنیده، مثانه، حالت و تخمدانلرگه فشار کیلتیره آلهدی. بعضا عیاللردن قطاریده علایملری بیللی بولمهیدی و سونوگرافیده کوریلهدی. عیاللردن قطاریده دایمی قان کیتیش، حیض کوریشده ترتیبسیزلیک، قبض بولیش، تیز-تیز سیماق یا-ده فرزندسیزلیککه سبب بولهدی.»
بیزلرنینگ «ایکس» ترماغی ده هم تعقیب قیلینگ!
نسانی-ولادی شفاکارلریدن باشقه بیری سحر بزرگمهرنینگ ایتیشیچه، حاملهدارلیک بولیش یاشلریده بولگن عیاللر کوپرقا بو کسللیککه چلینیش خوفی آستیده دیر. اونینگ کوپهیتیریشیچه: «بچهدان فیبروملری بچهدان اوزیده شکللنهدی و عیاللردن ۵۰ فایزینی چلینتیرهدی. ۲۵-۴۰ یاش آرهسیده بولهدی. عایلهسیده باشقه کیشی هم بو کسللیککه چلینگن بولسه، اولرنینگ چلینیشی ممکن. حاملهدارلیک یاشیده بولگن عیاللر کوپراق چیلنیش خوفی آستیده قرار تاپگن.»
شفاکارلر بچهدان فیبروم کسللیگینینگ قطعی دوالنیشی نی جراحیلیک یا-ده بچهداننینگ آلینیشی دیگنلر که بو طرز، عیاللرنینگ شخصی و اجتماعی حیاتیگه سیزیلرلی درجهده روحی و جسمی تاثیرلرگه سبب بوله آلهدی.
اوشبو کسللیکنینگ عیاللر حیاتیگه عاقبتلری و اونینگ جنینگه تاثیرلری توغریسیده نسایی-ولادی متخصصی لیذا شمعریزنینگ ایتیشیچه: «فیبرومنینگ کته-کیچیکلیگی نقطهی نظریدن فرق قیلهدی. فیبروم اندازهسی کته بولگنیده، پلاسنتا چقهلاق بیلن فیبروم بولگنی جایده بولسه، چقهلاققه قان ییتیشیشی آز بولیب و چقهلاقنینگ توشیشیگه سبب بولهدی. شونینگدیک فیبروم ستروجن تاثیری آستیده دیر، انه شوو سبب حاملهدارلیک پیتیده، ستروجن و پروجسترون هورمونلری چقهلاقنینگ رشد قیلیشی اوچون اساسی و کیرهکلی دیر.»
شوندهی بیرحالده، لوگر یشاوچیسی بولمیش ۲۷ یاشر زبیدهنینگ ایتیشیچه، بیرینچی اوچ آیلیک فرزندینی بچهدان فیبرومیگه چلینیش سبب، قولدن بیرگن. «توی قیلمهگنیمدن آلدین حیض کوریشیمده کوپ آغریغیم بولهر ایدی. توی قیلگنیمدن بیر یریم ییل بولگن. تازه حاملهدار بولگن ایدیم و اوچ آی بولگن ایدی که نیچه کون بیلیم کوپ آغریدی و شفاکار گه باردیم و او بالهنگ اورتهدن کیتگن، بچهدانینگده اوچته دانه بار و عملیات بولیب و بچهدانینگ چیقریلیشی کیرهک دیدی. مین بوندن آلدین بو کسللیک توغریسیده هیچ نرسه بیلمس ایدیم.»
تورت فرزند آنهسی بولمیش و ۱۶ ییلدن بیری ترتیبسیز و کوپینچه آغریق بیلن حیض کورهدیگن ۳۸ یاشر سیمانینگ ایتیشیچه: «تورت بالهم بار و تورموش اورتاغیم شهید بولگن. توغیشدن کیین بو قیینچیلیک تاپیلدی. کوپ قان کیتهدی و آغریق بار. شفاکارلر دایم درمان قیل، عکسی حالده عملیات بولهسین دیهدیلر. مینی اقتصادی وضعیتیم یخیشی ایمس و ینه هم شفاکارلر عملیات بولیب و بچهدانینگ چیقریلیشی کیرهک دیهدیلر، لیکن مینی عملیات اوچون پولیم یوق.»
بیزلرنینگ فیسبوک صحیفهمیزگه باش اورینگ
بو بیلن بیرگه، روانشناسلردن سویتا حبیبینینگ ایتیشیچه، بچهدان توموری جسمی تاثیرلر یانیده بچهداننینگ چیقریلیشی عیاللرده سلبی روحی تاثیرلرگه سبب بوله آلهدی.
حبیبینینگ کوپهیتیریشیچه، مذکور عیاللر عایلهلری آرقهلی جدی شکلده قوللب-قوتلنیشگه نیازلری بار. «بو، عیاللرنینگ روحی و حیاتیگه چقور تاثیر قیلیشی ممکن. روانشناس نقطهی نظریدن کورسهک، بیر عیال گه آنه بولیشنینگ قنچه مهم بولگنی بیرحالده، اوندن آنه بولیش حقی آلینگنیده، مذکور عیال اوچون جودهیم قیین بولهدی. بو عیاللر تورموش اورتاق و عایلهلری آرقهلی حمایت بولیشلری کیرهک. روانشناسلر بیلن مصلحت بولیشی کیرهک که اوشبو عیاللر بو مرحلهدن اوتسینلر.»
شفاکارلرنینگ ایشانچیگه کوره، بیر قطار موردلر جملهدن یخشی آوقتلنیش، اورتچه وزننی سقلش، بدنی فعالیتلرنی منظم شکلده انجام بیریش، شیرین و پروتینی بولگن آوقتلردن کوپ فایدهلنمسلیک، مناسب یاشده حاملهدار بولیش و شونینگدیک فیبرومنینگ تشخیص بولگنیده، هورمونی دارولردن فایدهلنیش، بچهدان فیبرومی کسللیگیگه چلینیشنینگ آلدینی آلیشده فایدهلی رول اوینهشی ممکن.
