امریکا قۉشمه ایالتلری جمهو باشلیغینینگ قماقخانه ایشلری بوییچه مخصوص وکیلی آدم بولر باشچیلیگیده هیئتی، کابل گه کیلدی.
تشقی ایشلر وزیرلیگی سۉزلاوچیسینینگ اورین باسری ضیااحمد تکل، ۲۲-سنبله، شنبه کونی ایکس صحیفهسیده بیر بیانیه ترقهتیب بو حقده خبر بیرگن.
بیانیه گه کوره، بو هیئت کابل گه قیلگن سفری دایرهسیده، اسلام امیرلیگی تشقی ایشلر وزیری امیرخان متقی بیلن اوچرهشیب، ایکی مملکتنینگ محبوسلری، ایکی تامانلمه مناسبتلرنی کېنگهیتیریش، فقرالر گه عاید مسئلهلر و سرمایه یاتقیزیش فرصتلری حقیده بحث اېتگنلر.
تشقی ایشلر وزیرلیگینینگ بیانیهسی اساسیده، امیرخان متقی امریکا هیئتی بیلن اوچرهشووده، اېندی ایکی مملکت مناسبتلرینی مستحکملش اوچون یخشی فرصت یرهتیلگنینی ایتگن.
شونینگدیک بیانیهده، امریکا هیئتی باشلیغی آدم بولر، تامانلر بو اوچرهشوولر یخشی نتیجهلر آلیب کیلیشی اوچون سعی-حرکت قیلیشی کېرهک دیگن.
اسلام امیرلیگی قدرتنی آلگنیدن سۉنگ، بو امریکا هیئتینینگ افغانستان گه ایکینچی سفری دییلگن.
اوتگن ییل هم، امریکا جمهور باشلیغینینگ قماقخانه ایشلری بوییچه مخصوص وکیلی و بو مملکتنینگ افغانستان بوییچه سابق وکیلی زلمی خلیلزاد، کابل گه قیلگن سفرلری دایرهسیده محبوسلرنینگ آزاد ایتیلیشی حقیده بحث اېتگن ایدیلر.
