۳۵ یاشر جانان ارزگان مرکزی ترینکوت شهری یشاوچیسی دیر، ۱۰ ییل آلدین ماین پارتلشی باعث بیر ایاغینی قولدن بیرگن، بیش ییل دن بویان بدن تربیه‌لش بولیمیده ایشله‌یدی و شونینگدیک بیر کلوب آچیش بیلن، یوزلرچه ییگیت گه سپورت شرایطینی یره‌تگن.
جانان نینگ سلام‌وطندار گه ایتیشیچه، اوتگن ییل‌لر اوروش خاطره‌لرینی ایسدن چیقریش و مملکت نینگ آبادانچیلیگی اوچون، سپورت گه یوز کیلتیریش گه قوشیمچه، باشقه ییگیت‌لر گه هم سپورت قیلیش شرایطینی یره‌تگن.
بیزلرنینگ فیسبوک صحیفه‌میزگه باش اورینگ!
اونگه کوره: «بیز ۴۰ ییل اوروش نی تجربه قیلدیک، بو اوروش‌لرنی بیز اوچون نیمه اونمی بار ایدی؟ اقتصاد ضعیف‌لشدی و برچه نرسه بوزیلدی. اوروش گه چیک قویلسین؛ کیلینگلر قورال اورنیده قلم کوتاریب و سپورت و باشقه یوللر آرقه‌لی اولکه آبادانچیلیگی اوچون خدمت قیله‌یدیک.»
ترینکوت شهری ده جانان بدن تربیه‌لش کلوبی ده، حاضر یوزلرچه ییگیت تمرین قیلماقده.
جانان سپورت کلوبی ده تمرین قیله‌دیگن یاشلردن قطاری، او نینگ ایشلرینی آلقیشلب و اسلام امیرلیگی دن، او بیلن همکارلیک قیلیش‌لرینی طلب قیلیشه‌دی.
سپورتچیلردن محمد داوود نینگ ایتیشیچه: «بیز اوندن [جانان] ییگیت‌لر گه سپورت شرایطینی یره‌تگنیدن منتدار میز.»
بیزلرنینگ توییترده هم تعقیب قیلینگ!
سپورتچیلردن باشقه بیری سیدولی گه کوره: «حاضرگی اقتصادی قیین احوال ده، ناگران بیر استاد بیزگه تمرین بیره‌دی منتدار میز و حکومت دن، اونگه یاردم بیریشینی طلب قیله‌میز.»
شونده‌ی بیرحالده، ارزگان سپورت آمری حافظ نصیراحمد عارف، جانان بیلن همکارلیک قیلیشکه وعده بیره‌دی. «بو اوزی ناگران بولسه ده، ارزگان‌لیک برچه ییگیت‌لر گه خدمت قیلماقده. بیز هردایم اوندن حمایت قیله‌میز و اونینگ قیینچیلیکلرینی یوقاری مرتبه‌لی رسمی‌لر بیلن پایلشه‌میز.»
بوندن آلدین ترینکوت شهری ده فعالیت آلیب باره‌یاتگن بیرقطار خصوصی کلوب‌‌لر مسئوللری، سلام‌وطندار بیلن اوتکزگن صحبت‌لریده، اقتصادی قیینچیلیک باعث سپورتچیلردن یریمی، سپورت نی قویبارگنینی ایتگن ایدیلر.
