بوگون بیرلشگن ملت‌لر تشکیلاتی نینگ انسان حقوق کینگشی ژنیو شهریده افغانستان ده‌گی عیال‌لر حقوقی و عیال‌لر وضعیتی گه دایر اضطراری بیر ییغین یولگه قوییدی. اوشبو ییغین گه شرکت قیلگنلردن قطاری، افغانستان ده‌گی عیال‌لر وضعیتی نی خواطرلنتیرووچی دیب ایتیش‌لریچه، اسلامی امارت عیال‌لر نی جماعه‌دن حذف قیلماقده.
اوشبو ییغینده بیرلشگن ملت‌لر تشکیلاتی نینگ انسان حقوقی عالی کمیشنری میشل باشله نینگ ایتیشیچه، افغانستان ده اسلامی امارت نینگ قدرت گه ایریشگنیدن کیین، عیال‌لر نینگ اساسی حقوق‌لری گه ایریشیش‌لری کمه‌یگن و اوشبو وضعیت خصوصیده تیزلیککه بیر اوزگریش کیلمه‌گن صورت‌ده، شونینگدیک افغان عیال‌لر کیله‌جگی نابیللی و قرانغو بولیشی ممکن.
بیزلرنینگ توییترده هم تعقیب قیلینگ!
مذکور ییغینده افغانستان نماینده‌لیگیدن فوزیه کوفی و نصیر‌احمد اندیشه صحبت اوتکزگنلر. اوشبو ییغینده نماینده‌لر مجلسی نینگ سابق نماینده‌سی و اسلامی امارت بیلن مذاکره هیأت اعضالریدن بیری فوزیه کوفی، سرپرست حکومت بیرگن وعده‌لری گه عمل قیلمسلیگینی بیلدیرگن.
بانو کوفی نینگ کوپه‌یتیریشیچه: «افغانستان کوپینچه قیین‌چیلیک بیلن روپه‌ره دیر. انسانی بحران‌دن باشلنیب سیاسی و بشری حقوق قیین‌چیلیکلری گه قدر. افغانستان ده عیال‌لر و قیزلر یامان بیر وضعیتده قرار تاپگنلر. وضعیت، دنیا اینیقسه مسلمان مملکت‌لر بیلن مقایسه قیلینگن صورت‌ده، نُرمال ایمس.»
شونده‌ی بیرحالده، عیال‌لر حقوق فعالی و مدنی فعال‌لریدن قطاری، بیرلشگن ملت‌لر تشکیلاتی نینگ انسان حقوق کینگش ییغینی نینگ یولگه قوییلیشیدن تنقید‌لب و ایتگن که، بو کبی ییغین‌لر نینگ یولگه قوییلیشی، افغانستان ده عیال‌لر وضعیتی نینگ یخشیلنیشی گه سبب بولمه‌یدی.
عیال حقوق فعالی راحیل تلاش نینگ سلام‌وطندار گه ایتیشیچه، بیرلشگن ملت‌لر تشکیلاتی اسلامی امارت گه باسیم کیلتیریش گه کوچی ییتیشگن بیرحالده، بیراق بو توغریده هیچ قنده‌ی اقدام صورت تاپمه‌گن.
اونینگ کوپه‌یتیریشچه: «بو کبی ییغین‌لردن هیچ بیر زمان یوتوق قولگه کیلتیرمه‌گن‌میز و اوشبو ییغین‌لر خصوصیده هیچ خوش‌بین بولمه‌یمیز؛ چونکه افغانستان گه اسلامی امارت نینگ قدرت گه ایریشگنیدن بیری یالغیز ییغین‌لر صورت تاپه‌دی و خواطرلنتیرووچی دیر. لیکن عیال‌لر خصوصیده هیچ بیر فایده‌لی ایش صورت تاپمه‌گن.»
مدنی جماعه فعالی ستاره سادات نینگ ایتیشیچه، بیرلشگن ملت‌لر تشکیلاتی معتبر دنیا نهادی صفتیده مستقیم شکلده سرپرست حکومت رهبر‌لری بیلن صحبت اوتکزیب و اولر نی تعهد‌لری گه عملی قیلیشلری اوچون مجبور قیلیشلری کیره‌ک.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «افغانستان ده عیال‌لر وضعیتی نینگ یخشیلنیشی اوچون باشقه مملکت‌لرده یولگه قوییله‌دیگن جلسه‌لر وکنفرانس‌لر نی نتیجه‌سی یوق. اوشبو ییغین‌لر و جلسه‌لر یوز‌مه-یوز شکلده صورت تاپیب و حکومت رسمی‌لری بیلن صحبت اوتکزیلگنی صورت، نتیجه بیریشی ممکن.»
بو توغریده اسلامی امارت فکری نی آلیش ایسته‌دیک؛ بیراق موفق بولمه‌دیک. مملکت‌ده اسلامی امارت نینگ قدرت گه ایریشگنیدن کیین، عیال‌لر وضعیتی اوزگردی و اولر دولتی اداره‌لردن قطاری‌ده ایشلری نی قولدن بیردیلر، ۶-صنف‌دن یوقاری قیز اوقووچیلر گه مکتب گه باریش اوچون رخصت بیریلمه‌ی و شونینگدیک حجاب نینگ رعایت قیلینیشی اجباری اعلام بولدی.