بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، غزهنینگ محاصره بولگنی و بو منطقه گه انسانسیورلیک یاردملر یوباریلیشی تقیقلنگنیدن تنقیدلب و ایتیشیچه، مینگلرچه باله «توییب آوقتلنمسلیک، آچلیک و قحطچیلیک» بیلن روپهره دیر.
یونیسفنینگ اجرایی مدیری کاترین راسل بیر بیانیه آرقهلی ایتیشیچه، نوار غزهدهگی بالهلر کیتمه-کیت بمباردمان بیلن دوچ کیلیب و شونینگدیک کیرهکلی توارلر همده قوتقروو خذمتلردن محروم بولگنلر.
بیزلرنینگ فیسبوک صحیفهمیزگه باش اورینگ!
راسل غزه دهگی یامان انسانی وضعیتگه اشاره قیلیب و کوپهیتیریشیچه، اسرائیل آرقهلی غزهنینگ محاصره بولیشیدن هر کون اوتیشی بیلن، فلسطینلیکلر اینیقسه بالهلر «آچلیک، کسللیک و اولیم خوفی» بیلن روپهره بولهدیلر.
یونیسف، اوتگن کون (۱۲-ثور، جمعه)، غزه ده جاری میلادی ییلنینگ باشلنگنیدن حاضرگچه قتیق توییب آوقتلنمهیدیگن ۹ مینگدن آرتیق بالهنینگ دوالنیش مقصد بستری بولگنینی بیان قیلگن.
بیزلرنینگ «ایکس» ترماغی ده هم تعقیب قیلینگ!
اسرائیل جاری میلادی ییل ۲-مارچ غزه گه برچه انسان سیورلیک یاردملرنی توختهتگن که بو اقدام خلقارا عکسالعمللر بیلن روپهره بولگن.
غزهنینگ بوتونلی محاصره بولگنیدن ۶۰ آرتیق کون اوتیب و شونینگدی امریکا فلسطینلیکلر گه یاردملر توختهتیلگنیدن حمایت قیلگن.
