بیرلشگن ملتلر تشکیلاتی بالهلرنی قوللب-قوتلاوچی صندیغی (یونیسف)، نینگ ایتیشیچه، افغانستان ده ایچیملیک سوودن فایدهلنه آلمهگن عایلهلردن ۲۴ فایزیده سوو تامینلش مسئولیتی، ۱۵ یاشنی تولدیرمهگن بالهلر زمهسیگه توشهدی.
یونیسف بوگون (۲۱-ثور، یکشنبه)، اوز اکس صحیفهسیده یازیشیچه، بو وضعیت بالهلردن کوپ قطارینی تعلیم آلیش و رواجلنیشدن محروم قیلهدی.
بیزلرنینگ فیسبوک صحیفهمیزگه باش اورینگ!
مذکور نهادگه کوره، انسانسیورلیک لایحهلرنینگ عملگه آشیریش بیلن، بالهلر بوینیدهگی اوشبو یوکنینگ بیر قسمینی یینگیللشتیریشگه موفق بوله آلگن.
یونیسف، افغانستاننینگ قیشلاق اهالیسی اوچون ایچیملیک سوو تامینلش مقصدیده لایحهلرنینگ عملگه آشیرگنینی بیان قیلیب و کوپهیتیریشیچه، حاضرگچه ۶۹ مینگدن آرتیق کیشی اوز اویلریده ایچیملیک سوو گه قول تاپه آلگنلر.
یونیسفنینگ ایتیشیچه، بو لایحهلرنی عملگه آشیریشدن مقصد، قیشلاق اهالیسی اوچون ایچیملیک سوو سیستملرینی یرهتیش دیر.
بیزلرنینگ «ایکس» ترماغی ده هم تعقیب قیلینگ!
مذکور نهادنینگ اورغولشیچه، بو لایحهلر عملگه آشیریلیشی بیلن عایلهلر ساغلیگی یخشیلنیشیگه علاوه، بالهلر بوینیدن سوو آلیب کیلیش طفیلی فیزیکی و روحی باسیملر کمهیب، رواجلنیش و تحصیلنی دوام بیریش اوچون یخشیراق زمینه یرهتیلگن.
بوندن آلدین بیرلشگن ملتلر تشکیلاتینینگ رواجلنتیریش دستوری، افغانستان ده ایچیملیک سوونینگ جدی شکلده کملیگیدن خواطر بیلدیریب و بو مملکتدهگی عایلهلردن ۷۹ فایزینینگ ایچیملیک سووگه قول تاپه آلمهگنی نی ایتگن ایدی.
