بیرلشگن ملتلر تشکیلاتینینگ بالهلرنی قوللب-قوتلاوچی صندیغی افغانستان بولیمی (یونیسف)، نینگ ایتیشیچه، افغانستان ده ۱۰ یاشر بالهلردن ۹۰ فایزدن آرتیغی، ساده بیر متننی اوقه آلمهیدی.
بو نهادنینگ بوگون (۷-دلو، سهشنبه)، اکس صحیفهسیده یازیشیچه، افغانستان تعلیمی توزیمی «اورگنمسدن اوقیش» انقراضی باسقیچیگه ییتیشگن.
یونیسفنینگ اورغولشیچه، باشلنغیچ تعلیملر و رقملی مهارتلر توغریسیده برقرار سرمایه یاتقیزیلیش، هر بیر بالهنینگ موفقیتینی تامینلش اوچون ضرور دیر.
بیرلشگن ملتلر تشکیلاتینینگ بالهلرنی قوللب-قوتلاوچی صندیغی، اوتگن هفته خلقارا تعلیم کونی مناسبتی بیلن، افغانستان کیلهجگی کینگ قمراولی تعلیمگه باغلیق دیگن ایدی. بو نهادنینگ معلوماتی اساسیده، حاضر افغانستان ده ایکی میلیون ۲۰۰ مینگ قیز، مکتب گه باریشدن محروم قالگن.
