پروان قیشلاقلرنی رواجلنتیریش و قیته قوریش ریاستیده محلی مسئوللرنینگ ایتیشلریچه، بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف) مالی حمایتی بیلن، اوشبو ولایت بگرام تومنیده سوو ییتکزیش بیر ترماق قوریلهدی.
پروان قیشلاقلرنی رواجلنتیریش و قیته قوریش ریاستی ییتکرمهلر بولیمی مسئولی عبدالصبور رویت، مذکور لایحهنینگ توقیز میلیون ۴۷۰ مینگ افغانی عوضیگه عملگه آشیریلیشینی بیان قیلگن.
رویتنینگ ایتیشیچه، بو لایحه عملگه آشیریلیشی بیلن محلی ایشلاوچیلردن اونلرچهسیگه ایش زمینهسی یرهتیلیشی یانیده، اوشبو تومن یشاوچیلریدن یوزلرچهسیگه ایچیملیک سوو تامینلنهدی.
ایچیملیک سوودن فایدهلنیش چیکلاولری، افغانستان یشاوچیلری اینیقسه قیشلاق بولیملریده جدی قیینچیلیکلریدن بیری حسابلنهدی. خلقارا نهادلرنینگ گزارشلری اساسیده، حاضرگچه میلیونلب یشاوچی ایچیملیک سوو بوییچه تینچ منبعلردن فایدهلنه آلمهیدی.
کیتمه-کیت قوروقچیلیک، ییر آستی سوو منبعلری کمهیشی و سوو ییتکزیش ستندرد آستقورمهلر یوقلیگی، افغانستان ده بو قیینچیلیکنینگ اصلی عامللریدن حسابلنهدی.
