بیرلشگن ملتلر تشکیلاتینینگ بالهلرنی قۉللب-قوتلش صندیغی (یونیسف) افغانستانده اوچ میلیوندن آرتیق باله توییب آوقتلنمسلیکدن اذیت چېکماقدهلیگینی بیلدیرگن.
یونیسف، ایکس صحیفهسیده بیر بیانیه ترقهتیب، افغانستانده آذوقلنیش تنقیصلیگی دنیادهگی اېنگ آغیر انسانی انقراضلریدن بیری حسابلنیشینی ایتگن.
اوشبو ادارهنینگ ینگی معلوماتلریگه کوره، افغانستانده ۳.۵ میلیون باله توییب آوقتلنمسلیکدن اذیت چېکماقده و ېنه بیر میلیون باله اېسه جوده آزغین حالتده.
یونیسف گه کوره، آسیاده اروپا اتفاقینینگ انسان سیورلیک یاردمی باشقرمهسینینگ مالیهوی حمایتی بیلن افغانستان بویلب بالهلرنی آوقتلنتیریش و دوالش جریانی دوام اېتماقده.
بیرلشگن ملتلر تشکیلاتینینگ بالهلرنی قۉللب-قوتلش صندیغی آلدینراق، اوشبو میلادی ییل باشلنگنیدن بیری افغانستانده ۴۸۰ مینگ توییب آوقتلنمهگن باله دوالنگنینی اعلان قیلگن اېدی.
