افغانستان ده بیرلشگن ملتلر تشکیلاتی نینگ نماینده‌لیک (یوناما) باشلیغی روزا اوتونبایوا نینگ ایتیشیچه، بیرلشگن ملتلر تشکیلاتی افغانستان اهالی‌سیگه یاردم‌لر نینگ دوام قیلیشینی ایسته‌یدی. اوتونبایوا بو بیانات نی اوتگن کونی اسلام امیرلیگی باش وزیری نینگ اداری اورین باسری عبدالسلام حنفی بیلن اوچره‌شگنی‌ده بیان قیلگن.
ارگ اوز ایکس صحیفه‌سیده یازیشیچه، اوشبو اوچره‌شووده روزا اوتونبایوا تورلی ولایت‌لرگه قیلگن سفرلریده «افغانستان ده امنیت تامین‌لنگنی» و «تورلی بولیم‌لرده اسلام امیرلیگی نینگ یوتوقلریدن» خورسند‌لیک قیلگن.
بیزلرنینگ فیسبوک صحیفه‌میزگه باش اورینگ!
یوناما باشلیغی نینگ کوپه‌‌یتیریشیچه: «بیرلشگن ملتلر تشکیلاتی افغانستان اهالی‌سیگه یاردم‌لر نینگ دوام قیلیشینی ایسته‌یدی و افغانستان اسلام امیرلیگی رهبری‌دن بو یاردم‌لر نینگ نیازمند کیشی‌لر گه ییتیشتیریلیشی اوچون همه‌جانبه همکارلیک بولینیشینی کوتیب تورگن.»
بو اوچره‌شووده روزا اوتونبایوا دوحه ییغینی و دوحه ییغینی کیلیشووی عمل‌گه آشیریلیشی گه تیگیشلی هم معلومات ارائه قیلیب و اورغوله‌گن که مذکور تشکیلات نینگ هوا اوزگریشلری بیلن قرشی کوره‌ش، پارتلمه‌ی قالگن ساحه‌لر نینگ تازه‌لنیشی، اطراف محیط‌نی سقلش و باشقه بولیم‌لر خصوصیده کوپینچه برنامه‌لری بولیب، بو بولیم‌لر نینگ عمل‌گه آشیریلیشی اسلام امیرلیگی نینگ همه‌جانبه همکارلیگی و مملکت‌ده‌‌گی قیین‌چیلیک‌لر حلی اوچون مسئوللر نینگ سعی‌وحرکتی گه نیازی بار.
شونینگدیک عبدالسلام حنفی افغانستان اهالی‌سی گه بیرلشگن ملتلر تشکیلاتی یاردم‌لری و باشقه مملکتلر بیلن افغانستان علاقه‌لری یخشی‌لنیشی اوچون بیرلشگن ملتلر تشکیلاتی هیئتی سعی‌وحرکتلریدن قدردانلیک قیلگن.
اسلام امیرلیگی باش وزیری نینگ اداری اورین باسری گه کوره، اسلام امیرلیگی مسئوللری و بویوک‌لری نینگ سعی‌وحرکتی نتیجه‌سیده، افغانستان ده امنیت بوتونلی شکلده تامین، مخدره ماده نینگ ایکیلیشی، قوللنیلیشی، قاچاقی و تجارتی اورته‌دن کیتیب و اداری فساد یکونلنگن.
بیزلرنینگ «ایکس» ترماغی ده هم تعقیب قیلینگ!
حنفی بیرلشگن ملتلر تشکیلاتی و باشقه یاردم بیرووچی نهادلردن ساغلیق، تعلیم‌وتربیه، ایکینچیلیک و باشقه بولیم‌لرده همکارلیک ایسته‌گن. اونینگ اورغولشیچه: «بیرلشگن ملتلر تشکیلاتی‌ده افغانستان اورنی نینگ اسلام امیرلیگی گه تاپشیریلیشی، تحریم‌لر یکونلنیشی، قاره لیست‌دن اسلام امیرلیگی بویوک‌لری آتی نینگ چیقریلیشی و شونینگدیک باشقه چیکلاولر نینگ آلینیشینی ایسته‌یمیز.»
شونینگدیک کونی اسلام امیرلیگی باش وزیری نینگ اداری اورین باسری، اسلام امیرلیگی بو چیکلاولر نینگ فایده‌لی بولمه‌گنی یانیده باشقه مملکتلر بیلن افغانستان علاقه‌سی خصوصیده سلبی تاثیری بارلیگی نی توشینه‌دی دیگن.