افغانستانده بیرلشگن ملتلر تشکیلاتی نمایندهلیگی (یوناما)، اسلام امیرلیگیدن هرات ده تینچاهالینینگ اوققه توتیلگنی توغریسیده «برچه تامانلمه تدقیقات» اوتکزیلیشینی سورهگن.
یوناما، ۲۳-حمل، یکشنبه کونی بیر بیانیه آرقهلی، هرات ولایتی انجیل تومنینینگ «دهمهری» قیشلاغیده تینچاهالی اوققه توتیلگنی نتیجهسیده، کمیده ۱۱ کیشی «شهید» و باشقه ۱۱ کیشینینگ یرهلنگنینی معلوم قیلگن. بو نهادگه کوره، قربانلر آرهسیده عیاللر و بالهلر هم شامل دیر.
افغانستان ایشلری بوییچه بیرلشگن ملتلر تشکیلاتی باشکاتبی مخصوص وکیلی اورینباسری و یوناما سرپرستی جورجت گانیوننینگ ایتیشیچه: «مذکور دهشتلی جنایت نتیجهسیده قربانلر و جبرلنگن عایلهلر بیلن قیغوداشلیک بیلدیرهمیز و یرهلنگنلرگه تیزلیککه ساغهیشنی تیلهیمیز.»
شونینگدیک او، اسلام امیرلیگیدن مذکور واقعه توغریسیده هر تامانلمه تدقیقات اوتکزیلیشی و افغانستان بویلب برچه جمعیتنینگ قوراللی زورهوانلیکلردن حمایه قیلینیشی تامینلنیشینی ایستهگن.
ناتانیش قوراللی کیشیلر ۲۱-حمل، جمعه کونی توشدن کیین هرات ولایتی انجیل تومنیده تینچاهالیدن قطارینی اوققه توتگن؛ اوشبو واقعه شونینگدیک بیر قطار عکسالعمللر بیلن هم روپهره بولدی.
حاضرگچه بیرار گروه یا-ده کیشی، مذکور آتیشمه مسئولیتینی بوینیگه آلمهگن.
