افغانستانده بیرلشگن ملت‌لر تشکیلاتی باش کاتبی مخصوص نماینده‌سی نینگ اورین باسری مته نودسن نینگ ایتیشیچه، افغانستانده اسلامی امارت قدرت گه ایریشگنیدن بویان، حاضرگچه حکومت نینگ تقدیری نامعلوم دیر.
او اوتگن کون اروپا و خلق‌ارا ایشلری بوییچه انستیتوتی‌ده تاکید قیلگن که، اسلامی امارت نینگ اساسی قرارلری کابینه‌ده ایمس، بلکیم باشقه بیر ییرده آلینه‌دی.
بیزلرنینگ فیسبوک صحیفه‌میزگه باش اورینگ!
مته نودسن نینگ ایتیشیچه: «اسلامی امارت قدرت گه ایریشگنیدن بیری، حکومت نینگ تقدیری نامعلوم قالماقده. فکریمچه اوشبو اساسی قرار‌لر کابینه‌ده ایمس، بلکیم باشقه بیر ییرده آلینه‌دی.»
بیرلشگن ملت‌لر تشکیلاتی باش کاتبی مخصوص نماینده‌سی نینگ اورین باسری، قیز اوقووچیلر یوزیگه مکتب‌لر نینگ یاپیق قالیشی خصوصیده ایتگن که، تبعیض‌لی اوشبو اقدام نینگ تاثیری، اوزون مدت‌ده کیله‌جک نسل‌لر نینگ سوادی اوستیگه سلبی تأثیر قیلیب و قشاق‌لیککه سبب بولیشی ممکن.
بیزلرنینگ توییترده هم تعقیب قیلینگ!
قیزلر مکتب‌لری آیلر یاپیق قالگنیدن کیین، مملکت بویلب ۳-حمل‌ده مملکت‌لر نینگ آچیلیشی گه قرار آلگن ایدیلر؛ بیراق اسلامی امارت معارف وزیرلیگی اوشه کونده بو قراری‌نی کیینگی امرگچه تعلیق قیلدی.
اسلامی امارت نینگ اوشبو قراری کوپینچه خلق‌ارا و ملی عکس‌العمل‌لر بیلن روپه‌رو بولیب و خلق‌ارا نهاد‌لر نیچه مرته ۶-صنف‌دن یوقاری قیز اوقووچیلر مکتب‌لری نینگ تیزلیک بیلن آچیلیشی نی سوره‌گنلر. بیراق اسلامی امارت معارف وزیرلیگی ایتگن که، اولر اسلامی امارت رهبری نینگ طرحی نهایی بولیشی نی کوتیب تورگنلر.
