تورکمنستان و اروپا اتفاقی افغانستان رواجلنیشیدن حمایت قیلیش یوللری و منطقهده امنیتی حقیده اوتکزیلگن ایکی تامانلمه بیر ییغیلیشده، صحبت قیلگنلر.
تورکمنستان تشقی ایشلر وزیرلیگی، بوگون (۳۱-جوزا، شنبه)، بیر بیانیه آرقهلی یازیشیچه، بو اوچرهشوو تورکمنستان تشقی ایشلر وزیری اورینباسری احمد قرباناف و آسیا بوییچه اروپا اتفاقینینگ تشقی حرکتلر خذمتی مدیری پائولا پامپالونی آرهسیده بشری حقوق توغریسیدهگی اون ییتینچی مذاکره دایرهسیده، اوتکزیلگن.
بیزلرنینگ «ایکس» ترماغی ده هم تعقیب قیلینگ!
بیانیهده کیلیشیچه، اوشبو مذاکرهلرنینگ اساسی موضوعسی افغانستان وضعیتینی محاکمه قیلیش دیر.
مذکور ییغیلیشده تورکمنستان تشقی ایشلر وزیری اورینباسری، طرفسیزلیک یاندهشوو، یخشی قوشنیچیلیک و مملکتلرنینگ ایچکی مسئلهلریگه ارهلشمسلیککه تاکید قیلگن. اونینگ کوپهیتیریشیچه، مملکتی افغانستان ده تینچلیک جریانینی قوللب-قوتلش و انسانسیورلیک یاردملرنینگ دوام بیریشگه متعهد دیر.
بیزلرنینگ فیسبوک صحیفهمیزگه باش اورینگ!
شونینگدیک ایکی تامان قوشمه آستقورمه لایحهلری جملهدن تورکمنستان-افغانستان تیمیر یولی قوریلیشی همده انرژی و ترانزیت کریدورلری آچیلیشی اهمیتیگه تاکید قیلگنلر.
بیانیهده کیلیشیچه، ایکی تامان فایدهلی سیاسی صحبتلر سقلنیشیگه تاکیدلب، قوشمه قیزیقیش ساحهلری توغریسیده ایکی تامانلمه همکارلیکلر کوچهیشی اوچون اوز تیارگرلیکلرینی معلوم قیلگنلر.
