تورکیه تعلیم وزیری، «مرکزی آسیا» اتمهسی اورنیگه «تورکستان» ایشلهتیلیشینی اعلان قیلدی.
تورکیه یېتکرمهلری، بوگون (۲۹-عقرب/۲۰-نومبر، پنجشنبه) ترقهتگن خبرلریده بوندهی قرار قبول قیلینگنینی بیلدیردیلر.
بو قرار، تورک دولتلری اورتهسیدهگی همجهتلیکنی مستحکملش و جغرافیه ناملرنی توغریلش مقصدیده آلینگنی ایتیلگن.
تورکیه تعلیم وزیری یوسف تکین، اوتگن کون اوشبو مملکت پایتختی انقرهده، تعلیم اصلاحاتلری دایرهسیده تورکیه اوقوو دستورلریده «مرکزی آسیا» اتمهسی اورنیگه «تورکستان» ایشلهتیلیشینی بیلدیرگن. او بو اوزگریشنی تورک دولتلری اورتهسیده همجهتلیکنی مستحکملش گه قرهتیلگن حرکت صفتیده دیب بیان قیلگن.
یوسف تکین بو ینگی توشونچه، تورک دنیاسیده نفاق سالیش مقصدیده اتهیین اورته گه تشلنگن مسئلهلر گه جواب دیب قوشیمچه قیلگن.
