شنبه کونی، ۳۱ سرطان، افغان قیزیل آی جمعیتی سرپرستی بیلن اوچره‌شگن تورکیه قیزیل آی جمعیتی اجرائیه مسئولی، توغمه یوره‌ک تیشیگی بار بولگن افغان باله‌لرینی دوالش اوچون مایللیک کورستگن.
افغان قیزیل آی جمعیتی مطبوعاتی دفتری بیر بیانیه ترقه‌تیب، تورکیه ده افغان قیزیل آی جمعیتی سرپرستی مطیع‌الحق خالص مذکور مملکت قیزیل آی جمعیتی بیلن اوچره‌شگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو اوچره‌شووده مطیع‌الحق خالص، تورلی ساحه‌لرده تورکیه نینگ دایمی یاردم‌لریدن منتدارلیک بیلدیریب، توغمه یوره‌ک تیشیگی بار بولگن باله‌لرنی دوالش، کسلخانه‌لرده سرپرست‌سیز عیاللرنی مراقبت قیلیش، روحی کسل‌لیککه چلینگن کسل‌لرنی دوالش، بیوه، ییتیم باله‌لر وتیلنچی‌لر گه نقدی یاردم بیریشی باره‌سیده به تفصیل صحبت قیلگن.
تورکیه قیزیل آی جمعیتی اجرائیه مسئولی، افغان قیزیل آی جمعیتی نینگ فعالیت‌لرینی آلقیش‌لشگه قوشیمچه، اولر توغمه یوره‌ک تیشیگی بار بولگن باله‌لرنی دوالش اوچون مایل بولیب و بوتوغریده افغان قیزیل آی جمعیتی بیلن ییترلیچه همکارلیک قیلیش‌لریدن ایشانچ بیرگن.
بیزلرنینگ توییترده هم تعقیب قیلینگ!
شونینگدیک او، تورکیه نینگ انسان پرور مؤسسه‌لری یاردمی بیلن، افغانستان گه انسان پرورلیک یاردم‌لرینی منتظم روشده دوام بیریش اوستیده ایشلش اوچون، سعی‌وحرکت قیله‌یاتگنلرینی معلوم قیلگن.
