ساغلیقنی سقلش وزیرلیگی مسئوللری گه کوره، شمالشرق زونی ده هیموفیلیا کسلی نی دوالش مرکزی بیرینچی مرته قندوز ده آچیلگن.
مملکت ساغلیقنی سقلش وزیرلیگی مسئوللری، قندوز ده اوشبو مرکز نی آچیش مناسبتی بیلن یولگه قوییلگن مراسم ده، هیموفیلیا کسلی گه چلینگنلر سانی حقیده ایضاح کیریتمسهلرده، بیراق شمالشرق زونی ده هیموفیلیا گه چلینگن کسللر نی دوالش اوشبو مرکز، قندوز، بغلان، تخار و بدخشان ولایتلری اهالیسی گه طبی خذمت کورسهتیش مقصدیده آچیلگن دیدیلر.
ساغلیقنی سقلش وزیرلیگی نینگ ملی قان بانکلر باشلیغی محمدناصر صادق، شمالشرق زونی ده هیموفیلیا کسللرینی دوالش اوچون بو مرکز آچیلیشینی مهم دیب ایتیشیچه، مملکت ده هیموفیلیا گه چلینگن کوپ سانده کسللر نینگ فکتوری، بیر دن قویی دیر و اوشبو کسللر نینگ ۹۸ فایزی ناگران بولگن.
بیزلرنینگ فیسبوک صحیفهمیزگه باش اورینگ!
او نینگ کوپهیتیریشیچه: «هیمو فیلیا گه چلینگن کسللر مملکت نینگ اوزاق ولایتلریدن مرکز گه کوپ مراجعت قیلر ایدیلر شونی اوچون زونلر گه بو مرکزلرنی آچیش تویغوسی تاپیلدی، بو مسئله نی وزیرلیک رهبریتی بیلن شریک قیلدیک و اولر زونلر ده هیموفیلیا مرکزلری تیزلیک بیلن آچیلیش بویروغینی بیردیلر.»
هیموفیلیا کسلی متخصص شفاکارلری نینگ ایتیشلریچه، هیموفیلیا ارثی جنتیکی کسللیک دیر و چقهلاقلیک دن تاپیلهدی.
اولر گه کوره، اوشبو کسل گه چلینگنلر دقت قیلمهگن تقدیرده، اولیم خوفی بیلن روپهره بولیشلری ممکن.
قندوز حوزهوی کسلخانهسی بالهلر بولیمی متخصص شفاکاری حشمت احساس گه کوره، هیموفیلیا گه چلینگن کسللر ایکی تور دوالنیشلری ممکن، بیری وقایوی و ایکینچیسی ایسه اختلالات شکلده دیر.
او نینگ کوپهیتیریشیچه: «کسل جراحلیک پروسیجر گه روپهره بولسه وقایوی شکلده دوالنهدی، مفصلی، قفی یا دماغ دن خون ریزلیگی بولسه اختلالات شکلده دوالنهدی.»
بیزلرنینگ «ایکس» ترماغی ده هم تعقیب قیلینگ!
یشاوچیلر، قندوز ده هیموفیلیا کسللرینی دوالش مرکز ایجاد ایتیلیشیدن خورسندلیک قیلیب ایتیشلریچه، اولر بو مرکز ایجاد ایتیلیشیدن آلدین کابل گه باریش اوچون کوپ پول مصرف قیلر ایدیلر، بیراق حاضر مذکور مرکز قوریلیشی بیلن اولر نینگ قیینچیلیکلریدن بیر بولیمی حل بولهدی.
قندوز ده، آیلردن بیری کیچیک بالهسی هیموفیلیا گه چلینگن مهرابالدین گه کوره، کسل بالهسینی دوالش اوچون نیچه مرته کابل گه آلیب بارگن، لیکن اقتصادی قیینچیلیک باعث ینه باره آلمهگن.
او نینگ ایتیشیچه: «بو مرکز آچیلیشی اوچون جوده هم خورسند میز، یول بوزوقلیگی اوچون کابل گه کوپ قیینچیلیک بیلن بارر ایدیک و کوپ پول مصرف بولر ایدی.»
شمالشرق ولایتلری نینگ اهالیسی، هیموفیلیا گه چلینگن کسللرینی دوالش اوچون ایریم قیینچیلیکلر بیلن روپهره بولگن بیر حالده، قندوز ده ۱۰ بسترلیک اوشبو مرکز آچیلگن.