لبنان ساغلیق‌نی سقلش وزیرلیگی، اسرائیل اردوسی نینگ اوشبو مملکت ده سۉنگی ایکّی کونده‌گی هجوملری طفیلی قربان‌لر رقمی ۵۰ باله شامل ۵۶۹ کیشی گه یېتگنینی معلوم قیلگن.
رویترز آژانسی گه کوره، اسرائیل اردوسی نینگ لبنان ایریم قسمت‌لری اینیقسه بو مملکت نینگ جنوبی حدودلریده سۉنگی ایکّی کونده‌گی هوا هجوملری عاقبتیده بیر مینگ ۸۳۵ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
حزب‌الله لبنان، بو حزب نینگ ییریک قوماندانی بولمیش ابراهیم محمد قبیسی، اسرائیل نینگ لبنان پایتختی بیروت شهریده هوا هجومی عاقبتیده قربان بولگنینی اېتگن.
باشقه تاماندن اسرائیل باش وزیری بنیامین نتانیاهو، مملکتی نینگ استخباراتی واحدلریدن بیرینی کوزه‌تیش پیتیده، حزب‌الله لبنان گه قرشی هجوملری دوام اېتیشی اوستیگه تأکید اېتگن. اونینگ کوپه‌یتیریشیچه: «اقدام‌لریمیز و قیله‌دیگن اقدام‌لریمیز حقیقتن حیرت‌لنرلی دیر. حزب‌الله نی ضربه بیریش گه دوام بیره‌میز. مین لبنان اهالیسی گه اېته من که سیزلر بیلن اوروش قیلمه‌یمیز؛ اوروشی‌میز حزب‌الله بیلن دیر.»
شو بیلن بیرگه، بیرلشگن ملتلر تشکیلاتی نینگ باش کاتبی آنتونیو گوترش نیویورک شهریده بیرلشگن ملتلر تشکیلاتی نینگ ۷۹-عمومی ییغیلیشی ده، لبنان نینگ ینگی غزه گه اېلنیشی حقیده آگاه‌لنتیرگن.
بیزلرنینگ «ایکس» ترماغی ده هم تعقیب قیلینگ!
گوترش گه کوره: «غزه احوالی چېک‌سیز کابوس کبی دیر و اونینگ منطقه بویلب کېنگه‌یش احتمالی بار. بو مسئله‌نی انگلش اوچون یالغیز لبنان گه قره‌ش ممکن. لبنان خلقی، اسرائیل و دنیا لبنان نینگ ینگی غزه گه ایلنیشینی تحمل قیله آلمه‌یدیلر.»
اسرائیل و حزب‌الله لبنان اۉرته‌سیده‌گی کېسکین‌لیک، اۉتگن هفته و لبنان ده مینگلب پیجر پارتله‌گچ کوچه‌یگن و بو موضوع منطقه ده اوروش کېنگه‌یشی گه دایر خواطرلرنی آشیرگن.
