امریکا جمهور باشلیغی دونالد ترامپنینگ اعلام قیلیشیچه، «حقیقی کیلیشوو» نینگ بوتونلی عملگه آشیریلگنیگه قدر، امریکا حربی کوچلری ایران اطرافیده قالهدی.
ترامپنینگ آگاهلنتیریشیچه، آتیش کیسین کیلیشووی بوزیلگنی صورتده، ایران گه قرشی جدیراق حربی اقدام کوریلیشی ممکن.
امریکا جمهور باشلیغینینگ بوگون (۲۰-حمل/ ۹-اپریل، پنجشنبه)، «تروت سوشل» اجتماعی ترماغیگه یازیشیچه، ایران اطرافیدهگی حربی حضور، کیمهلر، اوچاقلر همده ضرور جهاز و قوراللر بیلن بیرگه «ضعیفلشگن دشمن» گه قرشی کورهشیش اوچون حربی کوچلردن عبارت دیر.
اونینگ کوپهیتیریشیچه، آتیش کیسین کیلیشووینینگ عملگه آشیریلمسلیگی گرچند «احتمالی کوپ کم» بولسهده، بیراق هر قندهی تخلف بولگنیده، ایران گه قرشی امریکا جوابینینگ اوتمیش گه قرهگنده کوپ جدیراق و کیسکینراق بولیشی ممکن.
اوشبو بیانات، امریکا و ایران بیلن ایکی هفتهلیک آتیش کیسین کیلیشوویدن یالغیز بیر کون اوتگنی بیرحالده، بیان بولگن.
