ترانسپورت و هوانوردلیک وزیرلیگی، بوگون (چهارشنبه، ۱۶ حمل) کابل ده اوشبو وزیرلیک نینگ دفتری ده اوتکزیلگن مطبوعاتی ییغیلیش ده، زمینی ترانسپورتی شرکت‌لر گه کتابچه و الکترونیکی کارت ترقه‌تیش جریانینی باشله‌دی.
مذکور وزیرلیک نینگ سرکلر ایشلری بوییچه ترانسپورت معینی عبدالسلام حیدری نینگ ایتیشیچه، زمینی ترانسپورتی خذمت‌لرنی زمانه‌وی‌لشتیریش اوچون، ۴۰۰ ترانسپورتی شرکت و ۶۰۰ دن آرتیق ترانسپورتی بیرلشمه گه، کتابچه و الکترونیکی کارت ترقه‌تیش جریانی باشلنگن.
او نینگ کوپه‌یتیریشیچه: «ملکی ترانسپورت و هوانوردلیک وزیرلیگی زمینی ترانسپورتی خذمت‌لرنی زمانه‌وی‌لشتیریش مقصدیده، کتابچه و الکترونیکی کارت ترقه‌تیشنی باشله‌گن. اوشبو پروسه دن باش تارتگن شرکت‌لر، یشاوچیلر اوچون اونملی ایمسلیگی بیللی بولیب و زمینی ترانسپورت دن چیقریله‌دی.»
بیزلرنینگ فیسبوک صحیفه‌میزگه باش اورینگ!
ترانسپورت و هوانوردلیک وزیرلیگی مسئوللری نینگ کوپه‌یتیریشیچه، ۱۷ تُن یوکله‌یدیگن و ۲۳ دن آرتیق چوکی‌سی بولگن یولاوچی تاشووچی موتر‌لر گه، موقعیت‌نی انیقلش یا-ده (GPS) سیستمی قوندیریله‌دی.
شونده‌ی بیرحالده، زمینی ترانسپورتی شرکت‌لردن قطاری نینگ ایگه‌لری، الکترونیکی کارت ترقه‌تیلیشی و یوک تاشووچی و یولاوچی تاشووچی موتر‌لر گه (GPS) سیستمی قوندیریلیشیدن خورسند‌لیک قیلیب ایتیشلریچه، بو ریجه ترافیکی واقعه‌لر خطری کمه‌یشی گه یاردم بیره‌دی.
عطایی ترانسپورتی شرکت‌لر بیرلشمه‌سی رئیسی عطایی نینگ ایتیشیچه: «هر بیر اداره نینگ علیحده قانون_قاعده‌‍‌سی بار و ترانسپورت وزیرلیگی نینگ قانونی، کتابچه و الکترونیکی کارت ترقه‌تیش دیر. هر بیر موتر نینگ معلوماتی ثبت بولیشی کیره‌ک، بو پاسپورت کبی اهمیتلی دیر.»
«احمد‌شاه بابا» خلق‌ارا ترانسپورتی شرکت اورین‌باسری عصمت‌الله وردک نینگ ایتیشیچه، کتابچه و الکترونیکی کارت ترقه‌تیلیشی، ترانسپورت و هوانوردلیک وزیرلیگی نینگ الکترونیکی سیستمی زمانه‌وی‌لشتیریش گه یاردم بیره‌دی.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «کتابچه و الکترونیکی کارت ترقه‌تیلیشی و موتر‌لر نینگ موقعیتینی انیقلش سیستمی قوندیریلیشی، ترانسپورتی شرکت‌لر ایگه‌لری و اوشبو وزیرلیک اوچون اونملی دیر.»
ترانسپورت و هوانوردلیک وزیرلیگی نینگ معلوماتی اساسیده، هر بیر کتابچه و الکترونیکی کارت نینگ ترقه‌تیلیشی اورنیده، زمینی ترانسپورتی بیرلشمه و شرکت‌لردن ۵۰۰ افغانی آلینه‌دی.
