هرات محلی مسئوللری نینگ ایتیش‌لریچه، هرات-تورغندی قتناو یولیده یوزبیرگن ترافیکی حادثه نتیجه‌سیده، بیر عیال شامل ۶ کیشی جان بیرگن.
هرات امبولانس مسئوللری نینگ سلام‌وطندار گه تصدیق قیلیش‌لریچه، مذکور واقعه بوگون ایرتن چاغی، سراچه تیپلی یولاوچی تاشووچی بیر موتر بیلن لاری نینگ توقنشگنی باعث، یوزبیرگن.
بیزلرنینگ توییترده هم تعقیب قیلینگ!
هرات امبولانس ریاست رئیسی ابراهیم محمدی نینگ ایتیشیچه، شونینگدیک بو حادثه نتیجه‌سیده ۵ کیشی یره‌لنگن. اونگه کوره، واقعه محلی‌دن هلاک بولگنلر و یره‌لنگنلر ایسه هرات حوزوی کسل‌خانه‌سی گه انتقال بیریلگن.
اوشبو واقعه علتی حاضرگچه بیللی بولمه‌گن.
سونگی کون‌لرده مملکت نینگ تورلی ولایت‌لریده ترافیکی حادثه‌‌لر کوپه‌یگن دیر. اوشبو واقعه‌لردن قطاری ایسه هیداوچیلر نینگ توجه‌سیزلیگی و تیز‌هیده‌یشی باعث، یوزبیره‌دی.
