هرات محلی مسئوللری نینگ ایتیش‌لریچه، قندهار-هرات قتناویولیده یوزبیرگن ترافیکی بیر حادثه‌ده، ۹ کیشی هلاک و باشقه ۲ کیشی ایسه یره‌لنگن.
هرات ولایتی ادرسکن تومن ولسوالی عبدالعلی فقیریار نینگ سلام‌وطندارگه ایتیشیچه، بوگون (چهارشنبه ۸- دلو) توشدن کیین ساعت ۴ اطرافیده «۴۰۴» تیپلی یولاوچی تاشووچی بیر موتر، سراچه تیپلی بیر موتر بیلن توقنشگن.
جناب فقیریار گه کوره، «۴۰۴» تیپلی یولاوچی تاشووچی موتر کابل دن هرات و شونینگدیک سراچه تیپلی موتر هرات شهریدن مذکور ولایت نینگ زاول تومنی تامان کیته‌دیگن بیرچاغده، ادرسکن تومنی نینگ «سراسرخک» منطقه‌سیده بو حادثه یوزبیرگن.
ادرسکن تومن ولسوالی نینگ کوپه‌یتیریشیچه، سراچه گه مینیلگن ۹ کیشی نینگ برچه‌سی جان بیرگن و شونینگدیک «۴۰۴» تیپلی موتر نینگ ایکی یولاوچیسی ایسه یره‌لنگن. اونگه کوره، جان بیرگنلر ۳ عیال، بیر باله و ۵ ایرکک دیر.
جناب فقیریار نینگ کوپه‌یتیریشیچه، ساغلیک تیملر و محلی مسئوللر حادثه محلیده بارگن و شونینگدیک تلفات رقمی نینگ کوپه‌یش احتمالی بار.
تیز هیده‌ش و ترافیکی قانون‌لرنینگ مراعات قیلمه‌سلیک حادثه عاملی دییلگن.
