دایکندی خوفسیزلیک مسئوللری نینگ ایتیش‌لریچه، بوگون ساعت ۱۲ اطرافیده اوشبو ولایت میرامور تومنی نینگ «پلاس چهارصد خانه» قیشلاغیده، «فلانکوچ» تیپلی بیر موتر نینگ چپه بولگنی باعث، ۱۰ کیشی اولیب و یره‌لنگن.
میرامور تومنی نینگ امنیه قومندانی فدایی اوشبو حادثه نی تصدیق‌لب ایتیشیچه، «پلاس چهارصد خانه» قیشلاغی نینگ بازاری تامان حرکت قیلگن فلانکوچ تیپلی بیر موتر، سرک‌دن چیقیب چپه بولگن.
بیزلرنینگ توییترده هم تعقیب قیلینگ!
اونگه گوره، مذکور حادثه‌ده ۳ عیال اولیب و ۴ عیال، ایکی باله و بیر ایرکک شامل ۷ کیشی یره‌لنگن. میرامور تومنی نینگ امنیه قومندانی، اوشبو حادثه سببی نی سرک نینگ خراب‌لیگی و هیداوچی نینگ احتیاط‌سیزلیگی دیگن.
دایکندی مملکت مرکزی‌ده اوزاق، محروم و رواجلنمه‌گن ولایت‌لردن دیر که هر ییل یشاوچیلریدن قطاری معیاری سرکلر یوقلیگی و هیداوچیلر نینگ توجه‌سیزلیگی سبب، ترافیکی حادثه‌لر قربانی بوله‌دیلر.
