سمنگان ده خوفسیزلیک مسئوللرینینگ ایتیشلریچه، اوشبو ولایتده یوز بیرگن ترافیکی حادثه نتیجهسیده، تورت کیشی اولیب و بیش کیشی یرهلنگن.
سمنگان امنیه قوماندانلیگی سوزلاوچیسی حشمتالله رحمانینینگ ایتیشیچه، مذکور حادثه شنبهدن یکشنبه گه اوتر کیچه سمنگان-بغلان یولی، رباتک منطقهسیده یوز بیرگن.
جناب رحمانی، اوشبو ترافیکی حادثه «اکتروز» رسوملی بیر موترنینگ ایکی تیزرفتار موتر بیلن توقنشگنی نتیجهسیده یوز بیرگنینی بیان قیلگن.
سمنگان امنیه قوماندانلیگی سوزلاوچیسینینگ کوپهیتیریشیچه، یرهلنگنلر دوالنیش مقصد کسلخانه گه انتقال بیریلیب و اولردن قطارینینگ احوالی آغیر دیر.
سونگی کونلر مملکتنینگ بیر قطار ولایتلریده ترافیکی حادثهلر یوز بیریشی کوپهیب و اولردن قطارییننگ سببی ایسه، سرکلر بوزوقلیگی، هیداوچیلرنینگ تیز هیدهشی، احتیاطسیزلیگی و قاعده-قانوننینگ رعایت قیلمسلیکلری دییلهدی.
ایتیش کیرهک که، اوتگن کونی هم بدخشان ولایتی ارغنجخواه تومنینینگ «سمدر» ساحهسیده ترافیکی حادثه یوز بیریب و نتیجهده، آلتی باله، بیش عیال و تورت ایرکک شامل ۱۵ کیشی اولدی.
بدخشان امنیه قوماندانلیگی ییتکرمهلر ادارهسی بیر بیانیه آرقهلی، اوشبو ترافیکی حادثه «فلانکوچ» رسوملی بیر موترنینگ سرک بوزیقلیگی سبب اصلی یولدن چیقیب و دره گه توشیب کیتگنی بیرحالده، یوز بیرگنینی ایتگن.
