فاریاب محلی مسئوللری، اوشبو ولایتنینگ اندخوی اولسواللیگیده یوز بیرگن علیحده ایکی ترافیکی حادثه عاقبتیده، اوچ کیشی قربان بولیب و باشقه بیر کیشی یرهلنگنیدن خبر بیرگنلر.
بیزلرنینگ فیسبوک صحیفهمیزگه باش اورینگ!
فاریاب امنیه قوماندانلیگی سۉزلاوچیسی عبدالله مرادی گه کوره، بیرینچی واقعه ۱-سرطان، یکشنبهدن دوشنبه گه اوتر کیچه، اندخوی-جوزجان یونهلیشیده بیر موتر سایکل بیلن ایکی بایسکلنینگ توقنشووی سبب یوز بیریب و موتر سایکل هیداوچیسی هلاک بولیب و بایسکلدهگی کیشیلر جراحتلنگن.
ایکینچی واقعه، بوگون توش چاغی اندخوی-میمنه قتناو یولی حدودلری «دهیکچیخانه» قیشلاغیده، «کرولا» رسوملی بیر موترنینگ «کوماز» رسوملی بیر موتر بیلن توقنشووی سبب یوز بیریب و کرولا هیداوچیسی شامل ایکی کیشی قربان بولگنلر.
بیزلرنینگ «ایکس» ترماغی ده هم تعقیب قیلینگ!
هیداوچیلرنینگ تیز هیدهشی و دقتسیزلیگی سبب، مملکتنینگ تورلی ولایتلریده انده-سنده بو گَل واقعهلر یوز بیریب و یشاوچیلردن قربانلیک آلیشی اېتیلهدی.
