غزنی ده محلی رسمیلرنینگ ایتیشلریچه، کابل-قندهار قتناو یولیده یوز بیرگن ترافیکی حادثه نتیجهسیده، بیر عایلهنینگ آلتی اعضاسی اولگن.
غزنی امنیه قوماندانلیگی سوزلاوچیسی خالد سرحدینینگ بوگون (۱۷-سنبله، دوشنبه)، ایتیشیچه، مذکور حادثه ایرتنگ چاغی ساعت ۰۸:۰۰ اطرافیده «روضه کوتلی» ساحهسیده یوز بیرگن.
سرحدیگه کوره، اوشبو ترافیکی حادثه «۵۸۰» رسوملی بیر موترنینگ «فیلدر» رسوملی بیر موتر بیلن توقنشگنی نتیجهسیده یوز بیرگن. اولگن کیشیلر فیلدر رسوملی موتر یولاوچیلری بولیب، کابل دن غزنی تامان حرکت قیلگن ایکنلر.
غزنی امنیه قوماندانلیگی سوزلاوچیسینینگ کوپهیتیریشیچه، بو واقعهده یولاوچی تاشووچی موتر هیداوچیسی یرهلنگن.
خالد سرحدیگه کوره، جسدلر غزنی ولایتی کسلخانهسیگه انتقال بیریلگن.
محلی رسمیلر، اوشبو ترافیکی حادثه سببینی «هیداوچیلرنینگ احتیاطسیزلیگی» دیگن.
شونینگدیک اوتگن کیچه کابل-قندهار قتناو یولیده یوز بیرگن باشقه بیر ترافیکی حادثهده، بیر کیشی اولیب و ایکی کیشی یرهلنگن.
