سرپرست حکومت ایچکی ایشلر وزیرلیگی سوزلاوچیسی عبدالمتین قانع، ییتکرمه‌لر گه سیسلی بیر پیام یوباریش بیلن تورخم بندری‌ده اسلام امیرلیگی کوچلری و پاکستان چیگره‌چیلری آره‌سیده یوز بیرگن توقنشوو حقیده معلومات بیرگن.
ایچکی ایشلر وزیرلیگی سوزلاوچیسینینگ ایتیشیچه، تورخم ده یوز بیرگن توقنشوو بیرینچی‌ده پاکستان تامانیدن باشلنگن. جناب قانع گه کوره، اوشبو توقنشوو بوگون ایرته‌لب (۱۳-حوت، دوشنبه)، ساعت ۱۲:۰۰ اطرافیده باشلنیب و توش‌دن کیین ساعت ۱۱:۰۰ گچه دوام قیلگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی سوزلاوچیسینینگ کوپه‌یتیریشیچه: «باش‌ده چیگره پولیسلریمیز کیلیشوو و ملاقات آرقه‌لی قیین‌چیلیکنی حل قیلیش اوچون سعی‌وحرکت قیلدیلر که اولر ایشیتمه‌دیلر و دایم اوروش‌ماققه حرکت قیلدیلر و مدافعه کوچلریمیز هم جواب قیتریش‌گه مجبور بولیشدی.»
عبدالمتین قانع‌نینگ اورغولشیچه، اوشبو وزیرلیک چیگره پولیسی و ملی مدافعه وزیرلیگی کوچلری هم «یخشی جوابلر» نی بیردیلر که نتیجه‌ده، پاکستان تامانی‌ده‌گی پوسته‌لردن قطاری اورته‌دن کیتگن.
ایچکی ایشلر وزیرلیگی سوزلاوچیسینینگ ایتیشیچه، مذکور توقنشووده ایکی تامان گه تلفات ییتیشگن. اونگه کوره، بو توقنشووده افغانستان تامانیدن اسلام امیرلیگی کوچلریدن بیرته‌سی اولیب و باشقه ایکی ته‌سی یره‌لنگن.
بیزلرنینگ «ایکس» ترماغی ده هم تعقیب قیلینگ!
جناب قانع، حاضر توقنشوو‌نینگ یکونلنگنی و وضعیت‌نینگ عادی حالت‌گه قیتگنی‌دن ایشانچ بیرگن.
تورخم بندری، ۱۰ کون‌دن بیری پاکستان آرقه‌لی باریب-کیلیش یوزیگه یاپیق دیر. تورخم ایشیگی آچیلیشی مقصد افغانستان و پاکستان رسمی‌لری‌نینگ مذاکره‌لری، حاضرگچه ایکی مرته نتیجه‌سیز شکلده یکونلنگن.
