فاریاب محلی مسوول‌لری نینگ ایتیش‌لریچه، اوشبو ولایت نینگ گرزیوان تومنیده طالبان قومندانلریدن بیری آته‌لری محلی اردو قطاریده بولگن ۸ باله‌نی گروگه آلگن.
امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان گروهی اوشبو باله‌لرنی دولت نظارتیده بولگن بیر طالب نینگ آزاد قیلینیشی اوچون گروگه آلگن.
گرزیوان تومنیده محلی اردو عسکرلریدن بولمیش نادر نینگ ایتیشیچه، طالبان قومندانلریدن بیری ملا بسم‌الله ۹ یاشر باله‌سینی باشقه بیرقطار باله‌لر بیلن زوردن آلیب کیتگن.
نادرنینگ کوپه‌یتیریشیچه، طالبان اوشبو قومندانی باله‌لری نینگ قوییب یوباریلیشی‌گه قرشی دولت نظارتیده بولگن جنگریلریدن بیری نینگ قوییب یوباریلیشی‌نی ایسته‌گن.
اونینگ کوپه‌یتیریشیچه، گرزیوان تومنیده بیر پوسته‌ده عسکر دیر و باله‌سی نینگ قوییب یوباریلیشی اوچون هیچ ایش قیله آلمه‌یدی.
گرزیوان تومنی ولسوالی فیض‌الله رحمانی نینگ بو خبرنی تصدیق‌لب ایتیشیچه، گروگه آلینگن باله‌لرنینگ یاشی ۱۰ دن قویی دیر.
جناب رحمانی نینگ کوپه‌یتیریشیچه، طالبان نینگ بیر قاضی‌سی گرزیوان تومنیده امنیتی کوچلر تامانیدن قولگه آلینگن و طالبان گروهی اونینگ آزاد ایتیلیشی اوچون باله‌لرنی گروگه آلگن.
طالبان گروهی حاضرگه‌قدر بوتوغریده فکر بیلدیرمه‌گن.