هلمند حاکمی سوزلاوچیسی عمر زواک نینگ ایتیشیچه، طالبان گروهی هلمند – قندهار قتناو یولیده جایلشگن بیر برق سب استیشنی اوستیگه هجوم قیلگن.
اونینگ ایتیشیچه، طالبان جنگریلری مذکور سب استیشن قوروقچی‌لری و مهندس‌لرینی اوزلری بیلن آلیب کیتگن و شونینگدیک سب استیشن نی تخریب قیلگن.
هلمند ولایتی بوییچه بیرق ریاستی باشلیغی وحیدالله علیزی نینگ ایتیشیچه، اوشبو سب استیشن نینگ تخنیکی افزارلری طالبان تامانیدن چور قیلینگن و اونینگ تخریب قیلینیشی‌گه توسیق بولینیشی اوچون هلمند و قندهار امنیتی مسوول‌لرینی جریانگه قویگن‌لر.
مذکور برق سب استیشن نینگ تخریب بولگنی سبب، هلمند و قندهار ولایت‌لری نینگ برقی کیسیلگن.
طالبان گروهی حاضرگه‌قدر بوتوغریده فکر بیلدیرمه‌گن.
عین‌حالده، ایچکی ایش‌لر وزیرلیگی نینگ اعلان قیلیشیچه، هلمند ولایتیده امنیتی کوچلر تامانیدن اویوشتیریلگن حربی عملیات عاقبتیده، طالبان جنگریلریدن ۷۱ ته‌سی هلاک ایتیلگن.
ایچکی ایش‌لر وزیرلیگی سوزلاوچیسی طارق آرین نینگ ایتیشیچه، هلمند-قندهار قتناو یولی و شونینگدیک، ناوه، نادعلی و نهرسراج تومن‌لریده طالبان گروهی‌گه قرشی عملیات باشلنگن.
اونینگ کوپه‌یتیریشیچه، اوشبو عملیات نتیجه‌سیده حاضرگه‌قدر، طالبان جنگریلریدن ۷۱ ته‌سی هلاک و باشقه بیرقطاری یره‌لنگن.
عین‌حالده، هلمند محلی مسوول‌لری نینگ ایتیش‌لریچه، طالبان جنگریلری اوتگن کونی لشکرگاه شهری نینگ ۴- امنیتی حوزه‌سی، نادعلی تومنی و هلمند-قندهار قتناو یولی نینگ بیرقطار منطقه‌لریده هجوم قیلیب قطار ساحه‌لرنی نظارت‌لریگه آلگن ایدی، بیراق مذکور ساحه‌لرنی طالبان وجودیدن تازه‌لش اوچون حربی عملیات باشلنگن.