هرات خوفسیزلیک مذاکره‌لر نینگ اونینچی ییغیلیشی، افغانستان استراتیژیک مطالعه‌لر انستیتوتی میزبان‌لیگی بیلن «برچه شمول سیاسی توزوم و یول خریطه‌سی» عنوانیده بوگون (سه‌شنبه، ۸ قوس)، تاجیکستان پایتختی دوشنبه شهری ده باشلندی.
افغانستان استراتیژیک مطالعه‌لر انستیتوت باشلیغی داوود مرادیان نینگ ایتیشیچه، افغانستان شخصیت‌لری ارا مذاکره‌لر گه فرصت یره‌تیش مقصدیده، افغانستان ایشلری گه دخیل اولکه‌لر نماینده‌لری و ایش بیلرمان‌لری بیلن افغانستان استراتیژیک مطالعه‌لر انستیتوتی تامانیدن بیرینچی مراتبه، مملکت دن تشقری اوشبو ییغین یولگه قوییلگن.
بیزلرنینگ فیسبوک صحیفه‌میزگه باش اورینگ!
مذکور ییغیلیشده، افغانستان نینگ سابق سیاستچیلری، مدنی جماعه‌چیلیک نماینده‌لری، دیپلومات‌لر، قوشنی و منطقه مملکت‌لر نینگ نادولتی خلق‌ارا نهادلر نینگ نماینده‌لری اشتراک ایتگنلر.
اوشبو ییغیلیشده، افغانستان ده دولت‌سازلیک و قانونی حکومت شکللنیشی، خاتین قیزلر نینگ حقوقی، قوشمه فرهنگی میراث‌لرنی سقلش، مدنی ایرکین‌لیکلر و اوشبو مملکتده بیرلشگن ملت‌لر تشکیلاتی نینگ رولی باره‌سیده بحث ایتیلیشی کوتیله‌دی.
مذکور ییغیلیشده اشتراک ایتگن اولکه‌لردن بیرقطاری اینیقسه میزبان اولکه، افغانستان نینگ خوفسیزلیک وضعیتیدن خواطر بیلدیرگن.
تاجیکستان تشقی ایشلر وزیری نینگ اورین باسری فرهاد سلیم، اوشبو ییغیلیش آچیلیشیده ایتیشیچه، افغانستان ده القاعده و داعش شامل عصیانچی گروه‌لر کینگ کولمده کوچه‌یماقده دیر.
اونگه کوره، افغانستانده بنگی‌وار ماده‌لرنی ایشلب چیقریش و قاچاقی کوپه‌یگن.
بیزلرنینگ توییترده هم تعقیب قیلینگ!
جناب سلیم نینگ کوپه‌یتیریشیچه: «تاجیکستان افغانستانده برچه شمول دولت شکللنیب و اوشبو مملکتده دوام ایتیب کیله‌یاتگن اوروش یکونی و اجتماعی عدالت برقرار ایتیلیشینی ایسته‌یدی.»
مذکور ییغیلیشده اشتراک ایتگن افغانستان اوچون امریکا ایلچیخانه‌سی نینگ شارژدافیری کرن دیکر گه کوره، بو ییغیلیش افغانستان، تاجیکستان، منطقه اولکه‌لر و اروپا اتفاقی نماینده‌لری بیلن افغانستان وضعیتی خصوصیده بحث ایتیش اوچون عالی فرصت دیر.
