تورکیهنینگ هماهنگلیک و همکارلیک آژانسی (تیکا)، افغانستان ده زلزلهدن جبرلنگنلرگه ۹۰ تُن انسانسیورلیک یاردم یوباریلگنینی معلوم قیلگن.
تیکانینگ ایتیشیچه، ۷۰ تُن آزیق-آوقت و۲۰ تُن آشخانه اوسکونهلریدن عبارت بولگن مذکور یاردملر، افغانستان شرقیدهگی زلزلهدن جبرلنگن منطقهلرگه ییتیشتیریلگن.
تورکیهنینگ هماهنگلیک و همکارلیک آژانسیگه کوره، افغانستان شرقیده یوز بیرگن زلزلهدن کیین، جبرلنگنلرگه یاردم بیریش اوچون تیز بیر شکلده فعالیتلرینی باشلهگن.
افغانستان شرقیده یوز بیرگن اولیملی زلزلهدن کیین، قوشنی و منطقه مملکتلردن قطاری جبرلنگنلرگه یاردم بیرگنلر.
بیرلشگن ملتلر تشکیلاتی ادارهلرینینگ اعلام قیلیشیچه، افغانستان شرقیده زلزلهدن جبرلنگنلرگه یاردم بیریش اوچون بودجه کملیگی بیلن روپهرهلر.
یکشنبه کیچه، ۹-سنبله، افغانستان شرقیده اولیملی زلزله یوز بیریب و سونگی رقملر اساسیده، مذکور زلزله طفیلی کمیده ایکی مینگ ۲۰۵ کیشی اولیب و مینگلب کیشی یرهلنگن.
