بوگون (شنبه ۲- حوت) ایرته‌لب کابل شهری اوچ پارتلش گه شاهد بولدی.
کابل پولیسی مذکور پارتلش‌لرده، ۳ کیشی هلاک و باشقه ۲ کیشی یره‌لنگنی نی تصدیقله‌گن.
کابل پولیس قومندانلیگی سوزلاوچیسی فردوس فرامرز نینگ ایتیشیچه، بیرینچی پارتلش بوگون ایرته‌لب ساعت ۸ اطرافیده کابل شهری نینگ ۶- ناحیه‌سیگه تیگیشلی دارالامان یولیده یوزبیرگن. کابل پولیس قومندانلیگی سوزلاوچیسی گه کوره، بو پارتلش کرولا تیپلی بیر موتر نی نشانگه آلگن کیم نتیجه‌ده، ایکی کیشی یره‌لنگن.
شونینگدیک جناب فرامرز نینگ کوپه‌یتیریشیچه، ایکینچی پارتلش ایرته‌لب ساعت ۸:۱۵ اطرافیده کابل شهری نینگ ۴- ناحیه‌سگیه تیگیشلی کارته پروان منطقه‌سیده، کرولا تیپلی باشقه بیر موتر نی نشانگه آلگن. اونگه کوره، بو پارتلش ده بیر عیال شامل ۳ کیشی هلاک بولگن.
کابل پولیس قومندانلیگی سوزلاوچیسی فردوس فرامرز نینگ ایتیشیچه، اوچینچی پارتلش ایسه ساعت ۱۰:۲۰ اطرافیده کابل شهری نینگ ۳- ناحیه‌سیگه تیگیشلی پل وحدت منطقه‌سیده امنیتی کوچلرنینگ بیر رنجر موتری نی نشانگه آلگن. اونگه کوره، بو پارتلش ده ۲ کیشی هلاک بولگن.
کابل پولیسی مذکور پارتلش‌لرنینگ قنده‌یلیگی توغریسیده هیچ بیر نرسه دیمه‌ی بیراق ایتیشیچه، بو پارتلش‌لر امنیتی قوشمه تیم نینگ تیرگاوی آستیده دیر. مذکور حادثه‌لر مسئولیتی نی حاضرگچه بیرار گروه یا-ده شخص بوینیگه آلمه‌گن.
