اسلام امیرلیگی ایکینچیلیک، سووغاریش و چاروهچیلیک وزیرلیگی، جاری قویاش ییلده قندهار ده قریب ۱۵ مینگ هکتار ییرنینگ انار درختلریگه اختصاص بیریلگنینی معلوم قیلگن.
اوشبو وزیرلیک، بوگون (۱۳-میزان، یکشنبه)، بیر بیانیه آرقهلی یازیشیچه، ۱۴۰۴-ییلده قندهار ولایتینینگ ارغنداب، ارغستان، شاهولیکوت، خاکریز، ژری، پنجوایی، معروف، دند، دامان و میانشین تومنلریده انار درختی ایکیلگن.
ایکینچیلیک، سووغاریش و چاروهچیلیک وزیرلیگینینگ کوپهیتیریشیچه، قندهار ده انار درختلریدن ۲۷۴ مینگ تُن انار ییتیشتیریلیشی ممکن.
مذکور وزیرلیککه کوره، ارغنداب و ارغستان اناری اوزیگه خاص طعم، یوقاری صفت و کوپ وقت سقلهنیشی طفیلی دنیا بازارلریده مخصوص شهرت گه ایگه دیر.
انار، افغانستاننینگ اونملی ایکینچیلیک محصوللریدن بولیب و ایچکی نیازمندلیکلرنی حل قیلیشی یانیده، ییلده اوندن بیر بولیمی مملکتدن تشقی اینیقسه روسیه، هندوستان، جرمنی، قطر و بیرلشگن عرب امیرلیکلریگه صادر بولهدی.
