خلقارا ساغلیقنی سقلش تشکیلاتینینگ اعلام قیلیشیچه، یاردملری دوامیده کنر ولایتیده زلزلهدن جبرلنگن کیشیلرگه ۳۵ تُن طبی جهاز یاردم بیرگن.
مذکور نهادنینگ اوتگن کیچه وبسایتیده یازیشیچه: «بوگون ۳۵ تُندن آرتیق طبی جهاز شامل ینگی یاردم یوکی کابل گه ییتیشدی. بو یاردم ایسه ۳۱-اگست افغانستان شرقیده یوز بیرگن ۶ ریشترلیک زلزلهگه خلقارا ساغلیقنی سقلش تشکیلاتینینگ شاشلینچ جوابینی کوچهیتیرهدی.»
بیانیه اساسیده، ینگی یاردملر تروما و شاشلینچ جراحلیک پاکتلری، طبی یاردم پاکتلری، یوقیمسیز کسللیکلردن مراقبت قیلیش پاکتلری و کیرهکلی دارولردن عبارت دیر.
خلقارا ساغلیقنی سقلش تشکیلاتیگه کوره، ینگیلیکده ییتیشگن جهازلر نیازلرنینگ تیکشیریلگنیدن کیین، زیان کورگن منطقهلردهگی دوالنیش مرکزلر و سیار ساغلیق تیملرگه یوباریلهدی که، مذکور یاردملر شفاکارلر و ساغلیقنی سقلش خادملری گه، تیزلیکده کسللرنی دوالب، شاشلینچ جراحیلیکلرنی انجام بیریب و کسللیکلر یوقیشینینگ آلدینی آلیش امکانیتینی بیرهدی.
اوشبو تشکیلاتنینگ ایتیشیچه، کنر ده یوز بیرلگن زلزلهده دوالنیش ۲۰ مرکز زیان کورگن.
خلقارا ساغلیقنی سقلش تشکیلاتینینگ معلوماتی اساسیده، بو نهاد اجتماعی-روحی خذمتلرنی کورسهتیش و کسلللرنینگ دوالنیش جریانینی نظارت قیلیش یانیده، کنر ده زلزلهدن جبرلنگنلر قیینچیلیکلری حلی اوچون توپلم شکلده ۸۰ تُن طبی جهاز یاردم بیرگن.
