دنیا بانکی ۳۰-عقرب، چهارشنبه کونی بیر گزارش ترقه‌تیب، افغانستان‌نینگ صادرات رقمی ۲۰۲۳-ییل گه نسبتن ۲۰۲۴-ییل‌نینگ دستلبکی سکیز آیی‌ده، تورلی دلیللر اینیقسه پاکستان تامانیدن افغانستان‌نینگ ایکینیچلیک محصوللری سالیق آشیریلیشی باعث ۱۴ فایز کمه‌یگن.
اوشبو بانک‌نینگ گزارشی‌ده، افغانستان‌نینگ صادرات رقمی ۲۰۲۴-ییل، ۱-جنوری‌دن اوشبو میلادی ییل‌نینگ سپتمبر آی گه قدر، ۹۲.۵ میلیون دالر پس توشگنی قید اېتیلگن.
گزارش‌ده کېلیشیچه، ایکّی مملکت اۉرته‌سیده یوک تاشووچی موترلرنینگ کوپ باریب-کېلیشی، افغانستان‌نینگ پاکستان گه آزیق-آوقت صادرات رقمی سکیز فایز و هندوستان گه آلتی فایزدن کوپراق کمه‌یگن.
بیزلرنینگ فیسبوک صحیفه‌میزگه باش اورینگ!
افغانستان و پاکستان سودا قۉشمه اتاق نینگ اجرائیه باشلیغی نقیب‌الله صافی، اوشبو گزارش‌نی تصدیقلب ایتیشیچه، افغانستان برابریده پاکستان‌نینگ سودا سیاست‌لری اۉزگریشی افغانستان‌نینگ بو مملکت گه صادرات رقمی کمه‌یشی گه سبب بولگن.
اونینگ کوپه‌یتیریشیچه: «بو ییل صادرات گه توسیق بولیش ایکّی معما یره‌تیلگن، تازه میوه و سبزه‌وات سالیغی آشیریلیشی و اولرنینگ سوداسی اوچون تکس هم قویلگن اېدی و اۉتگن ییللر گه نسبتن صادرات آز بولگندی؛ قیینچیلیک‌نینگ باشقه بیر بولیمی ترانسپورتی قیینچیلیک اېدی، مثال اوچون دند پتان، غلام‌خان یوللری توسیلدی بولر صادرات رقمی کمه‌یشی گه سبب بولدی.»
صافی‌نینگ کوپه‌یتیریشیچه، اسلام امیرلیگی برچه قیینچیلیک‌لرنی اعتبار گه آلیب صادرات اوچون اۉرته آسیا و ایران یولینی بدیل یول اوله‌راق تنله‌گن اېدی.
بیزلرنینگ «ایکس» ترماغی ده هم تعقیب قیلینگ!
بیراق افغانستان‌لیک سوداگرلر، اوشبو ییل‌ده تجارت‌لری برابریده‌گی قیینچیلیک‌لردن نالیب، بو احوال اولرنی زیریکتیرگنینی اېته‌دیلر.
افغانستان‌لیک سوداگر خالدنینگ سلام‌وطندار گه ایتیشیچه: «قیینچیلیگی‌میز پاکستان تامانیدن اېدی هر کونی یولنی توسردیلر، هر کونی توارلریمیز سرک‌لر و یوللر گه قالردی، پاکستان باجخانه سالیغینی آشیردی، بو ییل پاکستان تامانیدن کوپ نقصان کوردیک، ۳۰۰ مینگ دالر نقصان کوردیک.»
شو بیلن بیرگه، اقتصادی بیلرمانلر دولت‌نینگ بو قیینچیلیک‌لرنی حل قیلیش گه مسئول بیله‌دیلر.
اقتصادی ایش بیلرمان ایرج فقیری گه کوره: «بیز صادرات اوچون کوپ تلاش قیلیشی‌میز کېره‌ک، چیت‌ایل مملکت‌لردن آز توار وارد اېتیلسه ایش فرصتی و مستقل‌لیک اوچون اونملی دیر بو اوز مان عملگه آشیریلیشی ممکن، بدیل یولی‌میز بولسه.»
صناعت و سودا وزیرلیگی بوتوغریده هېچ نرسه دیمسه‌ده، بیراق یقینده مذکور وزیرلیک اوشبو میلادی ییل‌نینگ دستلبکی بیش آیی‌ده افغانستان‌نینگ پاکستان گه صادرات رقمی ۱۰ فایز کمه‌یگنینی اېتگندی.
بو وزیرلیک، افغانستان‌نینگ پاکستان گه صادرات رقمی کمه‌یشینی، پاکستان تامانیدن ایکّی مملکت اۉرته‌سیده سودا بیتیملری رعایت بولمسلیگی عنوان قیلگن.
