بیرلشگن ملتلر تشکیلاتی باش کاتبی آنتونیو گوترش، ۲۲-جوزا، سهشنبه کونی اسرائیل اردوسینی حماس و اسلامی جهاد همده سودان اوروشیده دخیل تامانلر گه قۉشیمچه بالهلر حقوقینی نقض قیلگنی اوچون مجرملر نینگ ییللیک رویخطی گه کېریتگن.
معلوماتلر اساسیده، ۲۰۲۲-ییل گه نسبتن ۲۰۲۳-ییل ده دنیا مقیاسیده بالهلر گه قرشی زورهوانلیک ۳۵ فایز آشگن.
آناتولی آژانسی گه کوره، اسرائیل، فلسطین نینگ باسیب آلینگن ییرلری، کانگو دموکراتیک جمهوریتی، میانمار، سومالیا، نایجریا و سودان ده قوراللی اوروشلرده بالهلر حقوقی اېنگ کوپ نقض اېتیلگن.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی ۲۰۲۳-ییل ده بالهلر حقوقی نقض اېتیلیشی گه دایر قریب ۳۲ مینگ ۹۹۰ مورد نی ثبت قیلگن، ۳۰ مینگ ۷۰۵ موردی ۲۰۲۳-ییل ده یوز بیرگن.
اسرائیل اردوسی بیرینچی مراتبه بیرلشگن ملتلر تشکیلاتی نینگ بالهلر حقوقی ناقضلری قاره رویخطی گه کېریتیلگن.
اوشبو خلقارا نهاد نینگ گزارشی ده، غزه دهگی اۉزگریشلر باعث اسرائیل و فلسطین نینگ باسیب آلینگن ییرلری ده بالهلر نینگ حقوقی نقض اېتیلیشی ۱۵۰ فایز دن کوپراق آشگنی تاکیدلنگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی نینگ معلوماتلری اساسیده، کرانه باختری، غزه و قدس ده بالهلر حقوقی نقض اېتیلیشی گه دایر ییتّی مینگ ۸۳۷ مورد قید اېتیلگن اوشبو موردلر نینگ اصلی عاملی اسرائیل حربی کوچلری و شهرک نشینلر بولگنی اېتیلگن.
بیرلشگن ملتلر تشکیلاتی نینگ بالهلرنی قۉللب-قوتلاوچی صندیغی (یونیسف) نینگ معلوماتی اساسیده، اسرائیل نینگ غزه گه هجومی دن حاضرگه قدر فلسطینلیک ۱۴ مینگ دن آرتیق باله هلاک بولگن.