بیرلشگن ملت‌لر تشکیلاتی، افغانستان خلقی‌نی قوللب قوتلش اوچون کوچلی ریجه بولمسه، انسانی بویوک بحران‌نی آلدینی آلیش قیین دیب آگاه‌لنتیرگن.
افغانستانده بیرلشگن ملت‌لر تشکیلاتی نینگ ترقیاتی برنامه نماینده‌سی عبدالله الدرداری، اوتگن کونی ژنو شهری‌ده مطبوعاتی ییغینده، افغانستان خصوصیده سونگی خلق‌ارا کنفرانس و اوشبو مملکت خلقی اوچون عاقبت‌لری باره‌سیده مناسبت بیلدیردی.
اونینگ ایتشیچه: «بیریله یاتگن انسان پرورلیک یاردملر ییترلی ایمسلیگی آیدین دیر.» جناب الدرداری نینگ کوپه‌یتیریشیچه، افغانستان بشری انقراض‌لر گه علاوه، قوللش عرفه‌سیده قرار تاپگن، اونینگ ایتشیچه: «بشری بحران‌نی کمه‌یتیریشنی ایسته‌سک، یشش خصوصیده ایشلش کیره‌ک.»
بیزلرنینگ فیسبوک صحیفه‌میزگه باش اورینگ!
افغانستانده بیرلشگن ملت‌لر تشکیلاتی نینگ ترقیاتی برنامه نماینده‌سی گه کوره، آگست آیی‌دن بویان، افغانستان نینگ ایچکی نا خالص تولیدی ۲۵ فایز کمه‌یگن که بو رقم سوریه نینگ ایچکی ۷ ییل اوروشی‌ده ناخالص تولیدی کمه‌یشی بیلن برابر دیر.
اونینگ ایتیشیچه، افغانستان یخشی احوال‌ده ۴۶ فایز ترقیاتی غایه‌لری گه قول تاپیشی ممکن. الدرداری نینگ تاکیدلشیچه: «افغانستانده‌گی ثبات‌سیزلیک جهانی بیر مسئله دیر و افغانستان خلقی نینگ آبرو-عزت بیلن تیریکچیلیگی جهانی بیر موضوع دیر.»
الدرداری افغانستان نینگ مالی تیزیمی قوللشی باره‌سیده سوال گه جواب ایتیشیچه، بانکی تیزیم کوچلنمه‌گونجه افغانستانده مالی تیزیم کیله‌جگینی کفالتلش مهم دیر. اونگه کوره: «فعال بانکی تیزیم بولمه‌گنده، اقتصادنی کیره‌گی یوق… اهالی آره‌سیده ایش‌سیزلیک ۳۰ فایزدن آشگن.»
بیزلرنینگ توییترده هم تعقیب قیلینگ!
افغانستانده بیرلشگن ملت‌لر تشکیلاتی نینگ ترقیاتی برنامه نماینده‌سی نینگ اورغولشیچه، افغانستان اقتصادی قوللشی بیلن، ۹۰۰ مینگ کیشی ایش‌سیزلر گه قوشیلگن و ایش اوچون هیچ ایش بولمه‌گن. اونینگ ایتیشیچه، بشری بحران‌نی آلدینی آلیش اوچون یگانه یول یشش خصوصیده دقت بولینیشی کیره‌ک.
چهارشنبه کونی ۴۱ دونر افغانستان و قوشنی مملکت‌لرده انسان پرورلیک یاردملر اوچون ۲ میلیارد ۴۴۰ میلیون دالر توللنیشی‌گه وعده بیردیلر. برچه تلاش‌لر بیلن، افغانستان اینگ قشاق اولکه‌لردن بولیب و بانکی تیزیمی قوله‌گن، تجارت و یشش قیین و نقد پول تنقیص‌لیگی بیلن روپه‌رو و قریب ۹۵ فایز اهالیسی ییترلی توییب آوقتلنمه‌یدیلر.
