افغانستان ۱۷ یاشنی تولدیرمه‌گن فوتبال ملی تیرمه جماعه‌سی، کابل نی دوشنبه مقصدی گه ترک اېتگن.
افغانستان فوتبال فدراسیونی بوگون (۲۳-اسد، سه‌شنبه) فیسبوک صحیفه‌سیده بیر بیانیه ترقه‌تیب، افغانستان ۱۷ یاشنی تولدیرمه‌گن فوتبال ملی تیرمه جماعه‌سی، آسیا مرکزی ۱۷ یاشنی تولدیرمه‌گن قهرمان (کافا) مسابقه‌لری گه قتنه‌شیش مقصدیده، کابل نی تاجیکستان مقصدی گه ترک اېتگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
آسیا مرکزی ۱۷ یاشنی تولدیرمه‌گن قهرمان رقابت‌لری آلتی مملکت جمله دن افغانستان، اۉزبېکستان، ایران، تاجیکستان، تورکمنستان و قرغیزستان تیرمه جماعه‌لری اشتراکی بیلن بولیب اۉتیشینی اېته‌دی، مملکت فوتبال فدراسیونی.
افغانستان فوتبال فدراسیونی گه کوره، اوشبو مسابقه‌لر اوچ جماعه دن عبارت ایکّی گروه ده بولیب اۉته‌دی.
بیزلرنینگ «ایکس» ترماغی ده هم تعقیب قیلینگ!
بو مسابقه‌لر، تاجیکستان میزبان‌لیگی بیلن قویاش ۱۴۰۳-ییلی ۲۷-اسد دن ۳-سنبله گچه یولگه قوییله‌دی.
