امام ابوحنیفه ملی و خلق‌ارا اوچینچی کورگزمه‌سی ایچکی سوداگرلر و سرمایه یاتقیزووچیلر و منطقه مملکت‌لر نینگ دیپلمات‌لری حضوری بیلن بوگون (۱۵-میزان، یک‌شنبه) کابلده آچیلگن و آلتی کونگچه دوام تاپیشی کوتیله‌دی.
سودا و صناعت وزیرلیگی مسئوللری، بو کورگزمه مملکتده ایشلب چیقریلگن محصولات‌لر همده بو محصولات گه بازار قیدیریش و منطقه مملکت‌لر بیلن سودا مناسبت‌لرینی کېنگه‌یتیریش مقصدیده آچیلگنینی اېته‌دیلر.
سودا و صناعت وزیرلیگی سرپرستی نورالدین عزیزی گه کوره: «بو کورگزمه ده تورلی مملکت‌لر نینگ همده مملکت ایچیده ایشلب چیقریلگن محصولات‌لر کورگزمه قوییلگن. بو کورگزمه محصولات و ایشلب چیقریلگن نرسه‌لرنی تانیتّیریش اوچون یخشی فرصت، افغانستان نینگ سودا ترقیاتی استه بولسه ده، بیراق رواجلنماقده. حکومت باشقه‌لرنی سرمایه یاتقیزیش گه ترغیب اېتماقده و سرمایه یاتقیزیش اونگیده‌گی معمالرنی حل اېتیش اوچون سعی-حرکت قیلماقده دیر.»
اوشبو ییغیلیش ده، افغانستان سودا و سرمایه یاتقیزیش اتاق بیرینچی اورین باسری یونس مومند، سرپرست حکومت دن سوداگرلر اوچون کوپراق قولی‌لیک یره‌تیلیشینی سۉره‌گن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «بو کورگزمه تجربه‌لرنی المشتیریش و افغانستان نینگ محصولات‌لرینی تشقی سوداگرلر گه تانیتّیریش اوچون یخشی فرصت دیر و حکومت نینگ سالیق تېزیمی سوداگرلر اوچون کتّه معما و سالیق تېزیمی شفاف بولیشی درکار.»
اسلام امیرلیگی باش وزیری نینگ اقتصادی اورین باسرلیگی، مملکت ایچیده ایشلب چیقریلگن محصولات‌لر گه بازار قیدیریش اوچون سعی-حرکت قیلماقده‌لیک‌لرینی اېتگن.
اسلام امیرلیگی باش وزیری نینگ اقتصادی اورین باسری عبدالغنی برادر، مملکت مقیاسیده تورلی ساحه‌لرده سرمایه یاتقیزیش زمینه‌سی یره‌تیلگنیدن ایشانچ بیلدیره‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «تورلی ساحه‌لرده سرمایه یاتقیزیش زمینه‌سی یره‌تیلگن و تشقی سرمایه یاتقیزووچیلر بو فرصتدن قوللـه‌نیب ایریم ساحه‌لرده سرمایه یاتقیزیش‌لری ممکن.»
شونینگدیک، اسلام امیرلیگی باش وزیری نینگ سیاسی اورین باسری عباس استانکزی، پاکستان دولتیدن چېگره حدودلرده افغانستان سوداگرلری اوچون یره‌تگن چېکلاولرینی بیکار قیلیشینی اېسته‌یدی.
اونگه کوره: «پاکستان دیپلمات‌لری و حکومتیدن، بو معمانی حل قیلیشنی اېسته‌یمیز و هر کونی افغانستان‌لیک سوداگرلردن یوزلب شکایت اېته‌دی. پاکستان چېگره حدودلرینی افغان سوداگرلری گه آچیشی کېره‌ک و پاکستان تامانیدن افغانستان نینگ ایچکی محصولات‌لری گه تعرفه آشیریلیشی ایکّی مملکت نینگ اونمیگه اېمس.»
سودا و سرمایه یاتقیزیش اتاق نینگ معلوماتی اساسیده، ایران، پاکستان، چین، تورکیه، اۉزبېکستان و قزاقستان اوشبو کورگزمه ده اۉز محصولات‌لرینی کورگزمه گه قویگن.
بو کورگزمه ده‌گی غرفه‌دارلردن بیرقطاری، محصولات‌لرینی ساتیش اوچون بو گَل کورگزمه‌لر یولگه قوییلیشینی اونملی بیله‌دیلر.
امام ابوحنیفه خلق‌ارا اوچینچی کورگزمه ده غرفه‌دارلردن حامد منزوی نینگ ایتیشیچه: «بو گَل کورگزمه‌لر تخصصی شکلده یولگه قوییلیشینی مصلحت بیره‌من و مینی فکریمچه سودا کوپ بوله‌دی افغانستان دولتی کورگزمه‌نی تخصصی شکلده بولیشی درکار.»
غرفه‌دارلردن باشقه بیری عصمت‌الله نینگ ایشانچی گه کوره: «بو کورگزمه سوداگرلر اوچون ضروری دیر و سوداگرلر تشقریدن آلیب کېله‌دیگن نرسه‌لرنی کورگزمه گه قویه‌دیلر و قوشنی‌لریمیز نینگ افغانستان گه آلیب کېله‌دیگن نرسه‌لری ساتیلیشی گه زمینه یره‌تیله‌دی.»
افغانستان سودا و سرمایه یاتقیزیش اتاق نینگ معلومات‌لری اساسیده، بو کورگزمه ده مملکت ایچیده ایشلب چیقریلگن همده منطقه مملکت‌لر نینگ تکنالوژی محصولاتی ۷۰۰ غرفه ده کورگزمه گه قوییلگن.