غور ولایتیده طالبان جنگریلری اونلرچه جریب ایکینچیلیک ییر و کوپ قطار میوه‌لی آغاچ‌نی تخریب قیلیب و اوتگه تارتگنلر.
غور ولایتی نینگ چهارسده تومنی ولسوالی عزت‌الله عزیزی نینگ ایتیشیچه، طالبان جنگریلری کمیده ۱۷۹ جریب ایکینچیلیک ییر و ۲۵ مینگ‌دن آرتیق میوه‌لی و میوه‌سیز آغاچ‌نی تخریب قیلیب و اوتگه تارتگنلر.
اونینگ ایتیشیچه، طالبان گروهی اوشبو ایش‌نی «منگ» قیشلاوغی یشاوچی‌لری نینگ دولت و امنیتی کوچلردن حمایت قیلگنی سبب، انجام بیرگنلر.
غور یشاوچی‌لری طالبان نینگ اوشبو اقدامی‌نی ناتوغری عنوان قیلیب و بو گروه جنگریلری بونده‌ی حرکت‌لری بیلن اهالی اقتصادی‌گه کته زیان ییتیشتیرگن.
غور یشاوچی‌لریدن بیری حبیب‌الله انوری نینگ ایتیشیچه، ایکینچی‌لر و باغدارلر ییلده ییرلری و میوه‌لی آغاچ‌لریدن کوپینچه محصول قولگه کیریتیب و بازارگه صادر قیله‌ریدیلر.
غور یشاوچی‌لریدن باشقه بیری ذبیح‌الله نینگ ایتیشیچه، اورمان‌لرنی تخریب و اوتگه تارتیش یشش محیطی و حیوان‌لر حیاتی‌گه زیان ییتیشتیره‌دی.
غور حاکمی و طالبان گروهی بو توغریده فکر بیلدیرمه‌گن، بیراق یشش محیطی بوییچه ایش بیلرمانلر آغاچ‌لر و ایکینچیلیک ییرلرنی تخریب قیلینیشی‌نی یشش محیطی قانونیگه قرشی عنوان قیلیب و عامل‌لری نینگ جزالنتیریلیشی اوستیگه تاکید قیله‌دیلر.
چهارسده تومنی، غور مرکزی فیروزکوه شهری نینگ شمالی‌ده جایلشیب و اوشبو ولایت نینگ ناتینچ تومن‌لریدن بیری دیر.
اوشبو تومن نینگ قتناو یوللری کمیده ۶ ییلدن بویان اهالی و امنیتی کوچلر یوزیگه باغلنگن دیر.
