قندوز ولایتی کینگش اعضاسی غلام ربانی ربانی نینگ سلاموطندارگه ایتیشیچه، بوگون “پنجشنبه” توش چاغده، طالبان جنگریلری اوشبو ولایت نینگ علی‌آباد تومنی‌نی «پل‌خشتی» منطقه‌سیده جهاد قومندانلریدن بولمیش قومندان پیکارنینگ اوی اوستیگه هجوم قیلگن‌لر.
قندوز ولایتی کینگش اوشبو اعضاسی نینگ کوپه‌یتیریشیچه، طالبان هجومی سبب، قومندان پیکار، اونینگ اوغلی و بیر تینچ اهالی هلاک و قومندان پیکار نینگ باشقه بیر اوغلی یره‌لنگن.
جناب ربانی‌گه کوره، بو واقعه‌ده طالبان جنگریلریدن ایکی ته‌سی هلاک ایتیلگن و جسد‌لری ساحه‌گه قالگن.
قندوز پولیس قومندانلیگی سوزلاوچیسی انعام‌الدین رحمانی نینگ بو خبرنی تصدیق‌لب ایتیشیچه، طالبان نینگ هجومی سبب، جهاد قومندانلریدن بولمیش قومندان پیکار باشقه بیر اوغلی بیلن هلاک ایتیلگن.
اونینگ کوپه‌یتیریشیچه، یوز بیرگن آتیشمه نتیجه‌سیده، طالبان جنگریلریدن ۲ ته‌سی هلاک ایتیلگن.
طالبان گروهی حاضرگه‌قدر بوتوغریده فکر بیلدیرمهگن.
