کنر ولایتیده، خودکفالیک سری عیاللرنینگ عملی آدیملری آلینیشی بیلن بیرگه، اولرنینگ اقتصادی جهتدن کوچلش و امکانیتلرنی کینگهیتیریش اوچون ینگی امید ایشیکلری آچیلماقده. مذکور عیاللردن بیری اوشبو ولایت نرنگ تومنی یشاوچیسی بولمیش ۳۵ یاشر زرغونه، اوچ باله آنهسی بولیب و کیچیک بیر سبزهوات ییتیشتیریلهدیگن باغچهنی آچگن.
زرغونه، اوچ ییل آلدین عیاللرگه مخصوص ایکینچیلیک تعلیمی دستوریگه شرکت قیلیب و بو دورهنی بیتیریشدن کیین، اویینینگ بیر چیکهسیده مذکور باغچهنی آچیب و اونگه تورلیخیل سبزهواتنی ایککن. اونینگ ایتیشیچه: «بازارگه تیگیشلی بولمهی و اوزیمیزگه اوییده تازه سبزهوات ییتیشتیرماقچین بولدیم. بو ایش، هم عایلهمیز اوچون فایدهلی دیر همده مینی سبزهوات ایشلریگه قیزیقتیرهدی.»
مذکور باغچهده، تورلیخیل سبزهوات جملهدن پمیدار، بادرنگ، اسپلاق و قلمپیر ایکیلیب و اونینگ یانیده، نیچهته اوزوم و مالته درختلری هم حاصل بیریشگه باشلهگن. زرغونه، کوندهلیک ایشی اوچون بیللی برنامهلری بار؛ ایرتنگ نمازیدن ساعت توقیزگچه و شونینگدیک آخشم ساعتلریده، باغچه ایشلریگه ییتیشهدی.
زرغونه بو ایش بیلن عایله اقتصادی وضعیتی یخشیراق بولگنینی بیان قیلیب و کوپهیتیریشیچه: «حاضر تازه سبزهواتنی اوییمیزدهگی باغچهمیزدن قولگه کیلتیرهمیز. کوپراق حاصل قولگه کیلتیرگنیمده، اونی بازارگه ساتهمن. هر موسومده قریب اوچ مینگ افغانی فایده قولگه کیلتیرهمن.»
شونینگدیک او، عایلهسینینگ قوللب-قوتلهشیدن خورسندلیک بیلدیرهدی. «تورموش اورتاغیم دایم مینی تشویق قیلهدی و بالهلریم هم بعضا سووغاریش و محصولنی ییغیشده مینگه یاردم بیرهدی.»
شوندهی بیرحالده، زرغونه ایش یولیده بیر قطار قیینچیلیکلر بیلن هم روپهره بولگنینی بیان قیلهدی. سوو کملیگی، محصوللریگه حشرهلر هجوم قیلیشی و اصلاح بولگن اوروغلر یوقلیگی، تولیدینی کمهیتیریب و درآمدیگه تاثیر قویگن قیینچیلیکلردن دیر.
زرغونه، کنر ایکینچیلیک ریاستی آرقهلی عیال دهقانلرنینگ سوو تامینلنیشی، صفتلی اوروغلر و حشرهلرگه ضد دارولر ترقهتیلیشی توغریسیده قوللب-قوتلنگنی صورتده، سیزیلرلی درجهده درآمدلری کوپهیشیدن امیدوارلیک بیلدیرگن. «بوندن آلدین، یالغیز تورموش اورتاغیمنینگ درآمدیگه قرهب اولتیرگن ایدیم؛ بیراق حاضر عایله خرهجتلرینی تامینلشده حصه قوشه آلهمن. باشقه قیشلاقلرده هم عیاللر بو کبی باغچهلرنی توزهتیشگه قیزیققن دیر.»
اوشبو عیال، کیلهجکده باغچهسینی کینگهیتیریب و شونینگدیک زینتی گللرنی ییتیشتیرماقچین. اونینگ ایشانچیگه کوره، امکانیت یرهتیلگنی صورتده، نهفقط عایله اقتصادی نیازلری تامینلنهدی، بلکیم بازار گه چیقریلیش اوچون گل و سبزهوات ایشلب چیقریلیشی هم کوپهیهدی. «امید قیلهمن که بیر کونی عیاللر ایشلب چیقرهدیگن نرسهلرنینگ کینگ کولملی شکلده بازارگه چیقریلسه.»
شونینگدیک زرغونهنینگ ایتیشیچه، سعیوحرکت بیلن باشلنهدیگن هر بیر ایشنینگ نتیجه بیریشی ممکن. «کیچیک بیر باغچهدن باشلنگنلر؛ حیاتلرینگیزنینگ قندهی اوزگریشینی کورسهسیزلر.»
کنر ده، زراعت اهالینینگ مهم درآمد منبعلریدن بیری حسابلهنیب و سونگی ییللرده، عیاللر بو بولیمده فعالراق شکلده فعالیت قیلیش مقصد حرکت قیلگنلر. اوی باغچهلری آچیلیشی و کیچیک زراعتی فعالیتلر، عیاللر اقتصادی خودکفالیگی یولیدهگی مهم آدیملردن دیر. گرچند سوو کملیگی، مناسب اوروغ یوقلیگی و ایکینچیلیک آفتلر دهقان عیاللر برابریدهگی جدی قیینچیلیکلردن حسابلنهدی؛ لیکن بو توسیقلر بولگنی بیرحالده، عیاللردن قطاری کوچلی اراده بیلن عایله اقتصادی یخشیلنیشیده فایدهلی حصه قوشیش مقصد سعیوحرکت قیلماقدهلر.
