ایش‌سیزلیک، سودا-ساتیق یوق‌لیگی و اوروش نینگ قیته باشله‌نیش احتمالی بارلیگی اوشبو ایکی شهر یشاوچی‌لری اوستیگه سلبی تاثیر قوییگن.
جوزجان و سرپل یشاوچی‌لریدن بیرقطاری نینگ ایتیش‌لریچه، اوشبو ولایت‌لر طالبان نظارتی‌گه اوتگنی دن سونگ، شهر تینچلیگی برهم اوریلگن و بو ایکی ولایت یشاوچی‌لری امنیتی کوچلر و طالبان آره‌سیده قیته‌دن آتیشمه یوز بیریشیدن خواطرگه دیرلر.
بیزلرنینگ فیسبوک صحیفه‌میزگه باش اورینگ!
جوزجان یشاوچی‌لریدن بیری محمداکرم نینگ ایتیشیچه، دوام‌لی اوروش و آتیشمه‌دن سونگ، اوشبو ولایت یشاوچی‌لری نینگ وضعیت‌لری یمان بولگن و بیرقطار عایله‌لر کونده‌لیک آذیق-آوقات‌نی تیارلشگه قادر ایمس‌لر.
اونینگ خواطرلی سیماسی کم بغل‌لیک و ایش‌سیزلیگی‌نی کورسته‌دی. او، بیرعیال و نیچه باله نینگ خره‌جتی‌نی قنده‌ی شکلده تیارلشی خصوصیده توشینه‌دی.
محمد اکرم نینگ کوپه‌یتیریشیچه، شهر جاده‌لری خواطرلی و بوش دیر و اهالی جدی نیاز بولمه‌گن صورتده، اوی‌دن چیقیش‌نی ایستمه‌یدی.
سرپل‌ده دوام‌لی آتیشمه‌لر و اوروش‌لر وحشت ایجاد قیلگن و اهالی نیاز بولمه‌گن صورتده، اوی‌دن چیقیب بازار باریش‌گه علاقمند ایمس و قیته‌دن اوروش یوز بیریشیدن قورقه‌دیلر.
حاضرده هم سرپل ولایتیده وضعیت عادی بولمه‌گن و قیته‌دن اوروش یوز بیریشی احتمالی بارلیگی اهالی‌نی چیت‌گه چیقارگن، لیکن اهالی نیازلرینی تامین‌لش اوچون شهر گوشه‌لریده بیرقطار دکانلر آچیق دیر.
سرپل یشاوچی‌لریدن بیری رازمحمد نینگ ایتیشیچه، ایکی تامان آره‌سیده شدتلی اوروش یوز بیرگنی باعث، اهالی قورقه‌دی و عادی شکلده شهرده اوتیب-قیته آلمه‌یدی.
اونینگ ایتیشیچه، حاضرده اوشبو ولایت طالبان نظارتی‌گه دیر، لیکن اهالی کم‌بغل‌لیک و ایش‌سیزلیکدن رنج ایلتهدیلر.
رازمحمد نینگ کوپه‌یتیریشیچه، اوروش‌لر باعث، اوشبو ولایت یشاوچی‌لریدن ۶۰% آواره بولگن و قیته‌دن اوروش یوز بیریش احتمالی بولگنی سبب، شهرگه کیلمه‌یدیلر.
صحبت‌لر بو ییرده یکونلنمه‌یدی. طالبان گروهی شبرغان و سرپل شهرلریده کیریش بیلن فرقلی کمیسیون‌لر ایجاد قیلیب و ولایت ریاست‌لریده ینگی مسوول‌لرنی استخدام قیلگن.
طالبان گروهی جوزجان ملی رادیو تلوزیونی‌نی نظارتی‌گه آلگن و بو رادیو آرقه‌لی اوز پیام‌لری و صحبت‌لرینی نشر قیله‌دی.
بیزلرنینگ توییترده تعقیب قیلینگ!
طالبان اعضالریدن بیری سنگری نینگ ایتیشیچه، جوزجان مرکزی شبرغان شهریده اسلامی امارت قانونی حاکم دیر و اهالی نینگ خواطرلنمه‌ی ایش‌لریگه دوام بیریب و باشقه ولایت‌لرگه آواره بولمه‌یش‌لری کیره‌ک.
اونینگ ایتیشیچه، اسلامی امارت بوتون اهالی‌نی کیچیرگن و هیچ‌کیم‌گه ایشی یوق.
بیراق، شبرغان باشقه بیر چیککه‌سیده امنیتی کوچلر اوشبو ولایت‌نی طالبان وجودیدن تازه‌لش مقصد ده تیارگرلیک آلماقده‌لر.
