اسلام امیرلیگی فواید عامه وزیرلیگی مسئوللری، خواف-هرات تیمیر یولی ایکّینچی فازی تورتینچی بولیمی نینگ قوریش ایشی رسمی شکلده باشلنگنیدن خبر بیرهدیلر.
اوشبو وزیرلیک رسمی‌لری ۶-جوزا، یک‌شنبه کونی هرات ده بیر خبری ییغیلیش ده، هرات-خواف تیمیر یولی نینگ اوشبو بولیمی قوریلیشی بیلن افغانستان منطقه و دنیا بیلن باغلنیشینی اېته‌دیلر.
شرافت نینگ کوپه‌یتیریشیچه، خواف-هرات تیمیر یولی ایکّینچی فازی و تورتینچی بولیمی «گاما گروپ» کمپنیه‌سی نینگ مالی حمایتی بیلن ۵۳ میلیون دالر عوضی گه قوریله‌دی.
بیزلرنینگ فیسبوک صحیفه‌میزگه باش اورینگ!
خواف-هرات تیمیر یولی ایکّینچی فازی و تورتینچی بولیمی ایکّی ییل دن آزراق ده قوریلیشی ممکن دیېدی، گاما گروپ کمپنیه مسئوللری.
گاما گروپ کمپنیه باشلیغی ضیاءالرحمان فراهی نینگ ایتیشیچه: «لایحه ۴۷.۳ کیلومتر دیر و شرطنامه امضالنگن خره‌جتی ۵۳ میلیون دالر دیر. ۱۸ دن ۲۴ آی گه قدر ایشی بیتیشی ممکن.»
باشقه تاماندن، هرات محلی مسئوللری اوشبو لایحه آچیلیشیدن خورسندلیک بیلدیریب ایتیشلریچه، خواف-هرات تیمیر یولی نینگ اوشبو بولیمی قوریلیشی بیلن مملکت نینگ صادرات رقمی آشیب و افغانستان سوداگرلری اوچون اېریم قولی‌لیک‌لری یره‌تیلیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
خواف-هرات تیمیر یولی ایکّینچی فازی و تورتینچی بولیمی قوریلیشی بیلن، افغانستان روسیه، ایران، پاکستان، تورکیه و باشقه اۉرته آسیا ده‌گی بیرقطار مملکت‌لر بیلن باغلنه‌دی.
فواید عامه وزیرلیگی مسئوللری نینگ معلوماتی اساسیده، اۉتگن ییل ده باغلیق مسئوللر خواف-هرات تیمیر یولی ایکّینچی فازی و تورتینچی بولیمی قوریش شرطنامه‌سینی امضاله‌گن اېدی، بیراق بعضی قیینچیلیک‌لر باعث بو شرطنامه بیکار قیلینیب و اوشبو بولیم نینگ قوریش ایشی توخته‌گن اېدی که نهایت حاضر ایکّینچی مراتبه رسمی طرزده ایشی باشلنگن.