قندهار اوزینینگ صفتلی ایکینچلیک محصولاتلری بیلن افغانستان صادراتیده مهم رول اوینهیدی و جاری ییلده اوشبو ولایتنینگ ۲۲ تُن اناری چیت ایل مملکتلر گه صادر قیلینگن.
قندهار ایکینیچلیک، سووغاریش و چاروهچیلیک ریاستینینگ معلوماتیگه کوره، اوشبو قویاش ییلده ۲۱ مینگ ۸۷۰ تُن انار چیت ایل مملکتلر گه صادر قیلینگن؛ اوتگن ییل گه نسبتن سیزیلرلی درجهده کوپهیگنینی کورستهدی – اوتگن ییلده فقط ۷ مینگ تُن انار صادر قیلینگن اېدی.
قندهار ایکینیچلیک ریاستی سۉزلاوچیسی محمدحنیف حقمل گه کوره، بو؛ باغدارلر و مسئوللرنینگ نیچه تامانلمه قۉشمه سعی-حرکتی نتیجهسی دیر. او شوندهی دیېدی: «بو ییلگی صادرات ایکینچلیک ریاستی، سودا و سرمایه یاتقیزیش اتاقی و ملی سوداگرلرنینگ مالی قۉللب-قوتلشی همکارلیگی بیلن عملگه آشیریلدی. قندهارنینگ کوپ سانده اناری مالزیا، روسیه، پاکستان و اۉزبېکستان گه صادر قیلینگن.»
محلی سوداگرلر هم، انار صادراتی آشیشینی خوش قرشیلب ایتیشلریچه، دنیا بازارلریده افغانستاننینگ تازه میوهلری علیحده اهمیت گه ایگه. سوداگرلردن بولمیش عبدالجبار ثابت گه کوره: «قندهار اناری دنیا بازارلریده علیحده اهمیت گه ایگه. بو ییل بازار طلبی آشگن، بیراق لوجستیک و پاکتلش ستندرد بولگن حالده، صادرات رقمی نیچه برابر آشیشی ممکن.»
باغدارلر هم جاری ییلگی یخشی درآمددن ممنون؛ اولر گه کوره، آلیش-بیریش بولیمیده ساووقخانه یوقلیگی بیلن روپهره بولیشگن. قندهار ژروی تومنیده باغدار محمدنبی شوندهی دیېدی: «بو ییل انارنی مناسب نرخده ساتگنیمدن خورسند من؛ لېکن ترانسپورت امکانیتی و محصولاتنی سقلش اوچون ساووقخانه یوق. اگر دولت بو قیینچیلیکنی حل قیلسه، محصولیمیز بوندن هم کوره قیمت نرخده ساتیلهدی.»
اسلام امیرلیگی ایکینچیلیک، سووغاریش و چاروهچیلیک وزیرلیگینینگ معلوماتیگه کوره، اوشبو قویاش ییلده قندهار ولایتیده قریب ۱۵ مینگ هکتار ییر انار اوچون اجرهتیلگن. بو وزیرلیکنینگ ایتیشیچه، قندهارده انار درختلریدن ۲۷۴ مینگ تُن حاصل آلینگن.
انار، افغانستاننینگ ایکینچلیک مهم محصوللریدن حسابلنهدی و ایچکی احتیاجلرنی برطرف ایتیش یانیده، هر ییلی اونینگ کتته قسمی روسیه، هندوستان، جرمنی، قطر و بیرلشگن عرب امیرلیگی کبی چیت ایل مملکتلر گه صادر قیلینهدی.
