احصائیه و معلومات ملی ادارهسینینگ اعلام قیلیشیچه، چیت ایلدهگی افغانستان یشاوچیلریگه کیملیک ترقهتیلیش قیمتی کمهیگن.
اوشبو اداره، بوگون (۱-میزان، سهشنبه)، بیر بیانیه آرقهلی اکس صحیفهسیده یازیشیچه، بو اقدام چیت ایلدهگی افغانستان یشاوچیلریگه آسایشتهلیک یرهتیلیشی مقصد آلینگن. «اوشبو قیمتلر چیت ایل یشش حجتیگه اساس حضوری طرز ده کیملیک آلیش اوچون مراجعت قیلهدیگن چیک ایلدهگی اولکهداشلریمیزگه تطبیق بولهدی.»
احصائیه و معلومات ملی ادارهسینینگ کوپهیتیریشیچه، افغانستان یشاوچیلریگه کیملیک ترقهتیلیش قیمتی تورکیه، اورته آسیا و قوشنی مملکتلریده ۲۰۰ دالردن ۵۰ دالر، عرب، افریقا و روسیه مملکتلریده ایسه ۲۰۰ دالر دن ۷۰ دالرگه کمهیگن.
بو نهاد، شونینگدیک اروپا، امریکا، کانادا و آسترالیا مملکتلریدهگی افغانستان یشاوچیلریگه کیملیک ترقهتیلیش قیمتینینگ ۲۰۰ دالردن ۱۵۰ دالر گه کمهیگنینی بیان قیلگن.
