ایران شمال شرقی ده اوشبو مملکت اردوسی نینگ زمینی کوچلر قوماندان‌لریدن بیری حسن مکفی، ۱۰-ثور، دوشنبه کونی افغانستان بیلن ایران نینگ شرقی چېگره‌لرینی یاپیش طرح ایشی باشلنگن و اوچ ییل‌گه قدر یکونلنیشی ممکن دیگن.
ایران دولت آژانسی ایرنا مکفی جنابلریدن نقل قیلیب یازیشیچه، ایران اردوسی نینگ زمینی کوچلر تورت گروه انجنیرلری ریجه نی تطبیق اېتیش مقصدیده اوشبو منطقه گه بارگنلر.
اونگه کوره: «اردو نینگ زمینی کوچلر تورت گروه انجنیرلری شرقی چېگره‌نی یاپیش ایشینی باشلش اوچون منطقه گه کېرگن و مملکت وزیری نینگ اعلامی اساسیده، شرقی چېگره‌نی یاپیش طرحی اوچون اوچ میلیارد دالر اختصاص بیریلگن.»
بیزلرنینگ فیسبوک صحیفه‌میزگه باش اورینگ!
عین‌حالده، اسلام امیرلیگی سۉزلاوچیسی اۉرین باسری حمدالله فطرت نینگ سلام‌وطندار گه ایتیشیچه، ایران چېگره‌نی یاپیش طرحینی اسلام امیرلیگی اویغون‌لیگی بیلن تطبیق اېته‌دی.
اونینگ کوپه‌یتیریشیچه: «هر بیر مملکت اۉز خوفسیزلیگینی تامینلش اوچون اقدام قیلیش گه حقی بار و ایران جمهوریتی بنگی‌وار ماده‌لر قاچاقی گه توسیق بولیش اوچون بو اقدام گه قول اورگن و بو ایشنی اسلام امیرلیگی اویغون‌لیگی بیلن عملی اېته‌دی.»
عین‌حالده، سیاسی ایش بیلرمان‌لردن بیرقطاری نینگ ایشانچی گه کوره، سرپرست حکومت اویغون‌لیگی بیلن ایکّی مملکت آره‌سیده‌گی یاپیلیش ریجه عملگه آشیریلیشی، بو ایکّی مملکت نینگ مناسبت‌لری مستحکم‌لنیشی گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان مقدم امین گه کوره: «ایکیله مملکت نینگ چېگره‌لرنی قوریقلش گه حقی بار، بیراق ایکّی مملکت نینگ اویغون‌لیگی بیلن عملگه آشیریلسه، مناسبت‌لری مستحکم‌لنیشی گه سبب بوله‌دی.»
ایران رسمی‌لری گه کوره، ایران افغانستان بیلن چېگره‌سینی تورت مترلیک کانکریتی دیوار، تیکانلی سیم تارتیش، فنس و اصولی سرک قوریش بیلن توسه‌دی.
ایتیش کېره‌ک، بوندن آلدین ایران نیچه مراتبه افغانستان چېگره‌لری آرقه‌لی اوشبو مملگت گه یوزلب ناقانونی مهاجر و بنگی‌وار ماده‌لر قاچاق اېتیلیشیدن خواطر بیلدیرگن.