نیچه کون آلدین، اسلام امیرلیگی رهبری هبت‌الله آخوندزاده نینگ درخواستی بیلن پروان امنیه قوماندانی عزیزالله عمر شامل قطار ولایت‌لر نینگ امنیه قوماندان‌لری قندهار گه چقریلگن ایدی که، شونده‌ی بیرحالده جناب عمر سلام‌وطندار نینگ محلی خبرچیسی بیلن اوتکزگن صحبتیده ایتیشیچه، اسلام امیرلیگی رهبری ولایت‌لر امنیه قوماندان‌لری بیلن ملاقات قیلیب، قیزلر یوزی گه مکتبلر و بیلیم یورت‌لر ایشیگی آچیلیشی، اساسی قانون و کیچه تاماندن اوی‌لر تیکشیریلمسلیگی اوستیگه تأکید ایتگن.
جناب عمر، اسلام امیرلیگی رهبری‌دن نقل قیلیب کوپه‌یتیریشیچه، قیزلر یوزی گه مکتبلر و بیلیم یورت‌لر نی یاپیق‌لیگی مسئله‌سی، یالغیز تعلیمی نصاب نینگ نهایی بولمه‌گنی دیر، چونکه کمیسیون آرقه‌لی تیکشیریلیب و تیارلنه‌دی و اونینگ ایشی یکونلنگنی‌دن کیین مکتبلر و بیلیم یورت‌لر آچیلیشی ممکن. اسلام امیرلیگی رهبری نینگ اورغولشیچه، مکتبلر نینگ لیسه دوره‌سی و بیلیم یورت‌لر نینگ تعلیمی دستوری نهایی بولگن، بیراق مکتبلر نینگ متوسطه دوره‌سی نینگ تعلیمی دستوری قالگن که، اونینگ ایشی یکونلنیشی بیلن، قیزلر یوزیگه مکتبلر و بیلیم یورت‌لر ایشیگی آچیلیشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، آلتینچی صنف‌دن یوقاری قیز اوقوچیلر، قیز طلبه‌لر و اولر نینگ عایله‌لریدن قطاری، قیزلر یوزی گه مکتبلر و بیلیم یورت‌لر ایشیگی یاپیق قالگنی خصوصیده خواطر بیلدیریب، مکتبلر و بیلیم یورت‌لر نینگ قیته آچیلیشی نی ایسته‌گنلر. اولر نینگ ایتیش‌لریچه، تعلیمی ینگی ییل نینگ باشلنیشی بیلن، اسلام امیرلیگی تامانیدن قیزلر یوزیگه اوشبو نهادلر ایشیگی نینگ آچیلیشی نی کوتیب تورگن ایکن‌لر. پنجشیر ده اون‌بیرینچی صنف اوقووچیسی زحل، مکتبلر ایشیگی آچیلمه‌یشی خصوصیده خواطر بیلدیریب و ایتیشیچه، آلتینچی صنف‌دن یوقاری قیزلر یوزیگه مکتبلر آچیلیشی کیره‌ک؛ چونکه اونگه کوره، مکتبلر یاپیق قالیشی بیلن، جماعه نینگ کوپینچه‌سی نینگ بی‌سواد بولیشی ممکن.
شونینگدیک دولتی بیلیم یورت‌لردن بیری نینگ طلبه‌سی لیدا، قیزلر یوزیگه بیلیم یورت‌لر ایشیگی یاپیق قالگنی خصوصیده خواطر بیلدیریب و ایتیشیچه، قیزلر یوزیگه بیلیم یورت‌لر ایشیگی آچیلمه‌گنی صورتده، عایله‌وی زوره‌وانلیک‌لر کوپه‌یشی یانیده، حکومت برچه بولیم‌لرده مسکلی کادر‌لر کمه‌یشی بیلن روپه‌ره بولیشی ممکن. او اسلام امیرلیگیدن قیز طلبه‌لر نینگ تقدیرسیزلیگی یکونلنیشی اوچون، تحصیل‌لری نینگ دوام بیریش‌لری خصوصیده رخصت بیریلیشی نی ایسته‌گنلر.
شونده‌ی بیرحالده، فوزیه نینگ قیزلری مکتب اوقووچیسی و دولتی بیلیم یورت‌لر طلبه‌سی دیر. اونینگ ایتیشیچه، مکتبلر و بیلیم یورت‌لر ایشیگی آچیلمه‌گنی صورتده، عایله‌لر ۱۸ یاش نی تولدیرمه‌گن قیزلری نی، اولر نینگ اجازه‌سی بولمه‌گنی تقدیرده تورموش گه چیقریش گه مجبور بولیش‌لری ممکن. شونینگدیک مذکور آنه خواطر بیلدیریب، تحصیل قیله آلمه‌یشلری سبب، روانی کسل‌لیککه چلینگنلری صورتده، اولر نینگ درمانی اوچون پولی یوق دیر. او اسلام امیرلیگیدن هر رقم لازم کوریلسه، قیزلر یوزیگه مکتبلر و بیلیم یورت‌لر نینگ آچیش‌لری نی ایسته‌گن.
باشقه بیر تاماندن، پروان امنیه قوماندانی اسلام امیرلیگی رهبری‌دن نقل قیلیب اساسی قانون حقیده ایتیشیچه، محمداشرف غنی حکومتی نینگ اساسی قانونی لغو بولگن و ینگی قانون تصویب بولیشی‌گچه، طرزالعمل توزتیلیب و اوندن قوللنیلیشی خصوصیده قرار آلینگن. جناب عمر هبت‌الله آخوندازه‌دن نقل قیلیب کوپه‌یتیریشیچه، اسلامی شریعت اسلام امیرلیگی رهبری نینگ یانیده اوزی بیر قانون دیر.
بیزلرنینگ توییترده هم تعقیب قیلینگ!
پروان امنیه قوماندانلیگی، کیچه تامان اوی‌مه_اوی تیکشیرو خصوصیده‌گی بیاناتی نینگ بیر بولیمی‌ده، اسلام امیرلیگی رهبری‌دن نقل قیلیب اورغولشیچه، اسلام امیرلیگی کوچلری کیچه تامان اوی‌مه_اوی تیکشیریش گه دوام بیرمه‌یش‌لری کیره‌ک. جناب عمر، نینگ بیان قیلیشیچه، اسلام امیرلیگی رهبری اسلام امیرلیگی کوچلری تامانیدن مسافرلر و مراجعه قیلووچیلر بیلن دولتی اداره‌لر و چیک پاینت‌لرده یخشی رفتار قیلینیشی خصوصیده تاکید قیلیب و کوپه‌یتیرگن که، اسلام امیرلیگی کوچلری اهالی گه آسایشته‌لیک ایجاد قیلیشی کیره‌ک.
ایتیش کیره‌ک که، خلق‌ارا تشکیلات‌لر و مملکت‌لر، اوتگن بیر یریم ییلده نیچه مرته اسلام امیرلیگیدن قیزلر تعلیمی توخته‌تیلگنی خصوصیده‌گی بویروغی نینگ لغو بولینیشی نی ایسته‌گنلر؛ بیراق اسلام امیرلیگی قیزلر تعلیمی گه قرشی بولمه‌گنی و قیزلر مکتب‌لری نینگ یاپیق قالگنی نینگ وقتینچه‌لیک بولگنی نی بیان قیلگن.
